«Ливерпуль» Юрген Клопп даврида илк бор ва 10 йил деганда биринчи марта Англия Кубоги финалига чиқди

«Ливерпуль» Англия Кубоги ярим финалида «Манчестер Сити»ни мағлуб этиб (3:2), финал йўлланмасига эга чиқди.

Мерсисайдликлар Юрген Клопп қўл остида илк бор мусобақа финалига йўл олди. Бунга қадар жамоа мутахассис даврида 1/8 финалдан нарига ўтолмаганди.

Сўнгги бор «Ливерпуль» Англия Кубоги финалида 2011/12 йилги мавсумда ўйнаган ва унда «Челси»га имкониятни бой берганди (1:2). Турнирдаги сўнгги соврин эса 2005/06 йилги мавсумда қўлга киритилган.

«Ливерпуль» барча мусобақалар доирасида қаторасига 8 ўйиндан бери ютқазмаяпти. Охирги марта «қизиллар» 12 март куни «Интер»га ютқазганди (0:1). «Ливерпуль» мазкур ғалаба орқали топ-5 лигаларда требл қайд этиши мумкин бўлган ягона жамоага айланди.

«Манчестер Сити» эса кетма-кет учинчи ўйинда ғалаба қозона олмади. Аввалроқ жамоа Чемпионлар Лигасида «Атлетико», АПЛда «Ливерпуль» билан дуранг ўйнаганди.