Футбол бўйича Англия Кубогининг ярим финалидан ўрин олган ўйинда «Манчестер Сити» ва «Ливерпуль» 16 апрель, шанба куни ўзаро тўқнаш келди.
«Уэмбли» кечган баҳсда умумий ҳисобда 5 та гол урилди. 9-дақиқада Иброҳим Конате бурчакдан оширилган тўпни боши билан дарвозага йўллаб, ҳисобни очди. 17-дақиқада Садио Мане дарвозабонга босим ўтказиб, уни хато қилишга мажбур қилди ва орадаги фарқни оширди. Дастлабки 45 дақиқаликнинг сўнгида Мане ажойиб зарбаси билан ҳисобни 3:0 кўринишига олиб келди. Бу у учун ўйиндаги 2-гол бўлди.
«Шаҳарликлар» 47-дақиқага келиб, ҳисобни қисқартиришга муваффақ бўлди. Жек Грилиш Рияд Маҳрезнинг фаоллигидан кейин дарвозани осонлик билан ишғол қилди. 90+1-дақиқага келиб эса Бернарду Сильва ўз номини таблога ёздириб қўйди. Бироқ бу мағлубиятдан қутулиб қолиш учун етарли бўлмади.
Шу тариқа «Ливерпуль» Англия Кубогининг финалига ўйинига йўл олди. «Қизиллар» ҳал қилувчи баҳсда «Челси» — «Кристал Пэлас» жуфтлиги ғолиби билан тўқнаш келади. Мазкур қарама-қаршилик 17 апрель санасига белгиланган.
Англия Кубоги
1/2 финал баҳси
16 апрель, шанба
«Манчестер Сити» – «Ливерпуль» 2:3
Голлар: 0:1 – 9 Конате, 0:2 – 17 Мане, 0:3 – 45 Мане, 1:3 – 47 Грилиш, 2:3 – 90 Бернарду Сильва.«Манчестер Сити»: Стеффен, Жоау Канселу, Стоунз, Аке, Зинченко, Фернандиньо, Бернарду Сильва, Фоден, Грилиш, Стерлинг, Габриэль Жезус (Маҳрез, 83).
«Ливерпуль»: Алиссон, Александер-Арнольд, ван Дейк, Конате, Робертсон, Тиаго Алькантара (Жонс, 87), Фабиньо, Кейта (Ҳендерсон, 73), Салоҳ, Мане (Диогу Жота, 85), Диас (Фирмино, 85).
Огоҳлантиришлар: Габриэль Жезус (27), Фабиньо (37), Кейта (48), Фернандиньо (57), Мане (61).
Изоҳ (0)