Ўзбекистон профессионал бокс федерациясининг навбатдан ташқари конференцияси 16 апрель куни бўлиб ўтди, деб хабар берди ЎзА.
Йиғилишда федерация Ижроия қўмитасининг янги таркиби тасдиқланди.
Унда ҳозирда Халқаро кураш ассоциацияси (ИКА) бош котиби сифатида фаолият юритиб келаётган Умид Якубов Ўзбекистон профессионал бокс федерацияси президенти этиб сайланди.
Тажрибали мутахассис, тадбиркор Ғофур Раҳимов биринчи вице-президент лавозимини эгаллади. Шунингдек, Зиёвуддин Хожиниёзов федерация вице-президенти бўлди. Улар вазифаларига жамоатчилик асосида сайланишди.
Изоҳ (0)