Ёмон муносабати туфайли мухлислари ҳурмат қилмай қўйган Голливуд юлдузлари (фото)

Кўпчилик мухлислар кумирларини идеаллаштиради, юлдузлар нафақат катта бойликка, балки улкан қалбга ҳам эга деб ҳисоблайди. Аммо бир куни Reddit фойдаланувчиси шундай савол берди: «Сиз учратган энг ёмон машҳур ким?». Шундагина миллионлаб одамларнинг севимлилари баъзида ўзларини ахлоқсиз тутишлари маълум бўлди.

Опра Уинфри

«Опра менга чойчақа бермаган, воҳаланки ўша куни ресторанимизда 200 долларлик кечки овқат буюртма қилганди. Бунинг ўрнига у менга салфеткага дастхат қўйиб берган ва ўзини худди илтифот кўрсатгандек тутганди. Энг қизиғи, у кириб келганида официантлар Опра кутиб қолмаслиги учун бошқа буюртмаларимни ўз зиммаларига олишганди. Ўша 2 соатда ҳеч вақо ишлолмадим, бошқа бировга хизмат кўрсатганимда кўпроқ чойчақа топардим».

Никол Кидман ва Кит Урбан

«Дадам учувчи, кўпинча машҳурлар билан ишлайди. Унинг компаниясида барча ходимлар маълумотларни ошкор этмаслик тўғрисида шартнома имзолайди, лекин отам одатда янгиликларда кўрмаган машҳурларни танимайди ҳам. Унинг сўзларига кўра, Никол Кидман ва Кит Урбан ўз ходимларига нисбатан жуда қўпол муносабатда бўлади. Шахсий ёрдамчилари ҳам улардан қўрқади».

Гвинет Пелтроу

«Мен Гвинет Пелтроунинг болалари билан лагерда саккиз ҳафта ишладим ва бизга соатига 5 доллар тўлашди. Одатда бошқа ота-оналар иш охирида 100 доллар ёки ундан кўпроқ чойчақа беради, лекин у бир сент ҳам бермади».

 Ленни Кравиц

«Ленни Кравиц бир вақтлар мен ишлаган меҳмонхонага келган. У меҳмонхонани ходимлар унга қарамасликлари ва у билан гаплашмасликлари ҳақида шартнома имзолашга мажбур қилганди. Кўзлар ерда, ҳеч ким гапирмаслиги керак эди».

Кети Прайс

«Бу воқеа мен билан эмас, Британиянинг таниқли авиакомпаниясида стюардесса бўлиб ишлаган дугонам Долли билан содир бўлган. Бир куни бортга Кети Прайс исмли британиялик «машҳур» ташриф буюрган.

Шундай қилиб, Прайс хоним бортга чиқиши билан Доллини чақиради ва беш дақиқа ичида талабларини санаб ўтади, яъни: унинг махфийлиги тўлиқ таъминланиши керак; йўловчиларнинг ҳеч бири стюардесса ҳамроҳлигисиз унинг ёнидан ўтмайди; экипаж аъзоларидан ҳеч бири агар у чақирмаса, унга яқинлашмайди ва ниҳоят, Долли шахсан ҳамма нарса учун жавоб беради, агар хато қилса, ишдан ҳайдалади».