«Уйда ёлғиз» фильмидаги Кевин Маккалистернинг кенжа укаси кўриниши, колага бўлган муҳаббати ва бироз нимжонлиги билан кўпчиликнинг ёдида қолган. Жажжи актёр 30 йил ичидан қанчалик ўзгаргани ва бугунги кунда нималар билан бандлиги ҳақида Cosmopolitan нашри бўлишди.
«Уйда ёлғиз» фильми 1990 йилда, 30 йилдан кўпроқ вақт олдин катта экранларда намойиш этилди. Ўтган йиллар давомида бош қаҳрамон Кевин ролини ўйнаган Маколей Калкин ҳаёти диққат билан кузатиб борилди, аммо машҳур комедиянинг бошқа қаҳрамонлари эса сояда қолди. Бу сафар картинанинг энг кулгили ва жажжи қаҳрамонларидан бири — Маккалистерлар оиласининг энг ёш аъзоси Fullэр ҳақида маълумот тақдим этамиз.
Ишониш қийин, аммо Кевин Маккаллистернинг укаси ролини Маколей Калкиннинг ҳаётдаги ҳақиқий укаси — Киран ўйнаган. У акаси Калкин каби машҳурликка эришмаган, шунингдек, уларнинг маошини бир-бири билан таққослаб бўлмайди. Лекин Кираннинг кинокарьераси кейинчалик анча яхши ривожланди.
Киран кўплаб фильм ва телесериалларда рол ўйнади. Масалан, уни 1991 йилда «Келиннинг отаси» фильми, 2018 йилда «Меросхўрлар» телесериали, 2010 йилда «Скотт Пилгрим ҳаммага қарши» фантастик картинаси ва бошқа кўплаб фильмларда кўриш мумкин.
Кичик Калкин шахсий ҳаётида ҳам муваффақиятга эришди. 2013 йилда у Жаз Чартон билан турмуш қурди, уларнинг икки нафар фарзанди бор: қизи Кинзи Су (2019 йил) ва ўғли Уайлдер Вулф (2021 йил).
Мавзуга доир:
- «Уйда ёлғиз» юлдузи Маколей Калкин тушкунликда ўтган йиллари ҳақида ҳужжатли фильм суратга олади
- «Уйда ёлғиз» фильми юлдузи Маколей Калкин ўғлининг онасига уйланишга қарор қилди
- «Уйда ёлғиз» актёрлари фильмнинг биринчи қисми намойишидан 31 йил ўтиб бир даврага тўпланади
- Фото: «Уйда ёлғиз» фильми суратга олинган Маккалистерлар хонадонига саёҳат
Изоҳ (0)