«Калмар ўйини» сериалининг муаллифи Хван Дон-Хёк томошабинлар Netflix’нинг бутун дунёда машҳурликка эришган сериалининг навбатдаги қисмларида қайси актёрларни кутиши мумкинлиги тўғрисида маълумот берди, деб ёзади «Film.ru».
Ли Жон Же (синовларда ғолиб чиққан бош қаҳрамон Сон Ки Хун) ва бошқарувчи (Ли Бён Хон) ўз ролларига қайтади.
Аввалроқ Хван Дон Хёк актриса ва модель Чон Хо Ён сериалда суратга тушишни давом этиши мумкинлигини маълум қилганди. Қаҳрамонининг ўлимига қарамай, у эгизак-синглиси ролини ижро этиши мумкин.
Сериалнинг давоми қачон тақдим этилиши маълум эмас. Тахминларга кўра, иккинчи мавсум 2024 йилда экранларга чиқади.
Эслатиб ўтамиз, «Калмар ўйини» сериали 2021 йилнинг сентябрь ойида намойиш этилди. Сюжет қуйидагича: 456 нафар молиявий муаммога дуч келганлар кўп миллионли соврин ютиб олиш умидида сирли ўйинда иштирок этади. Аммо болалар ўйинига ўхшаб кўринган синовлар ҳалокатли бўлиб чиқади: ҳар куни энг кучсиз ўйинчилар ташкилотчилар томонидан аёвсиз тарзда ўлдирилади. Ушбу драма бир зумда томошабинлар ва танқидчиларнинг минглаб ҳайратланарли изоҳларига сабаб бўлди ва Netflix’да энг кўп томоша қилинган сериал сифатида «Брижертонлар» рекордини янгилади.
Изоҳ (0)