Бухорода аёл ва аравачадаги бола чиқинди ташиш автомашинаси босиб кетишидан ҳалок бўлди. Бу ҳақда вилоят ИИБ матбуот хизмати хабар берди.
Маълум қилинишича, 12 апрель куни соат 11:05 ларда Бухоро шаҳар «Истиқлол» маҳалласида юз берган. Ш.Н. исмли шахс «Аҳоли Транс» МЧЖга қарашли Shacman русумли чиқинди ташиш автомашинасини ҳайдаб кетаётиб, шу маҳалладаги 84/1-сонли кўп қаватли уйнинг орқа томонида жойлашган чиқиндихонадан чиқиб кетаётганида, амалдаги йўл ҳаракати қоидаларининг 11-банди ва 77-банди талабларини бузиб, ахлатхона ёнидан ўтиб кетаётган Й.Н. ва болалар аравачасида бўлган, 2020 йилда туғилган вояга етмаган бола С.А.ни автомашина ўнг томон ғилдираги билан босиб кетган.
Оқибатда улар оғир тан жароҳати олиб воқеа жойида вафот этган.Ушбу ҳолат юзасидан фуқаро Ш.Н.га нисбатан Жиноят кодексининг 266-моддаси 3-қисми «а» банди (транспорт воситалари ҳаракати ёки улардан фойдаланиш хавфсизлиги қоидаларини бузиш одамлар ўлимига сабаб бўлиши) билан жиноят иши қўзғатилиб, Жиноят процессуал кодексининг 221-моддаси тартибида ушланган ҳолда дастлабки тергов ҳаракатлари давом этмоқда.
Изоҳ (0)