«Ўзбекистон Республикаси Вазирлар Маҳкамаси аппаратининг айрим таркибий бўлинмалари тузилмаларини такомиллаштириш тўғрисида»ги ҳукумат қарори қабул қилинди.
Қарорда қайд этилишича, Ўзбекистон президенти раҳбарлигида 2022 йил 11 март куни ўтказилган саноат кооперациясини ривожлантириш ва ишлаб чиқаришни маҳаллийлаштириш масалаларига бағишланган видеоселектор йиғилишининг 23-сон баёнида Инновацион ривожланиш вазирлигини бош вазирнинг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири Сардор Умурзоқов раҳбарлик қилаётган тизимга ўтказиш назарда тутилган.
Вазирлар Маҳкамаси аппаратининг Инвестициялар, экспортни қўллаб-қувватлаш ва ташқи иқтисодий алоқалар масалалари котибиятига IT-технологиялар, телекоммуникациялар ва илмий фаолиятни ривожлантириш масалалари департаментидан Инновацион фаолиятни ривожлантириш ва илмий тадқиқотлар натижаларини ишлаб чиқаришга жорий этиш масалалари бўйича бош мутахассис штат бирлиги ўтказилган.
Шунингдек, қарорда бош вазир ўринбосарлари ва бош вазирнинг маслаҳатчилари Вазирлар Мҳакамаси аппаратининг бошқарувчи билан биргаликда бир ой муддатдаги қуйидагиларни назарда тутувчи ҳукумат қарорлари лойиҳаларини тайёрлаш белгиланган.
- Бош вазир ўринбосари — Олиа ва хотин-қизлар давлат қўмитаси раисининг функционал вазифалари ҳамда Оила ва хотин-қизлар масалалари котибияти тўғрисидаги низомларни тасдиқлаш;
- Вазирлар Маҳкамаси аппаратининг янги ташкил этилган ва қайта номланган таркибий бўлинмалари тўғрисидаги низомларни тасдиқлаш ҳамда штат бирликлари ўзгарган таркибий бўлинмалар тўғрисидаги низомларга тегишли ўзгартириш ва қўшимчалар киритиш.
Изоҳ (0)