Қўйлиқдаги 5 хонали квартира 1,5 млрд сўмга аукционга қўйилди

Тошкент шаҳар Сергели тумани Қўйлиқ мавзесидаги квартира кимошди савдосига қўйилди. Лот маълумотлари «E-auksion» порталида эълон қилинган.

9 қаватли турар жой биносининг 1-қаватдаги 5 хонали квартира сотилади. Турар жой биноси 1987—1988 йилларда қурилган.

Лот изоҳида ёзилишича, квартира 3 та кондиционер, 3 та ҳовлида жойлашган камера ва тапчан билан бирга берилади. Уйнинг қолган барча жиҳозлари олиб кетилади.

Квартиранинг умумий майдони 120 квадрат метр. Хонадонда газ, сув, электр таъминоти ва канализация тизими мавжуд. 

Аукционга қўйилган квартиранинг бошланғич баҳоси — 1,45 млрд сўм. Аризалар 18 апрель 09:00 га қадар қабул қилинади. Савдолар худди шу куни 10:00 да бошланади.

Аввалроқ Тошкентда МИБ томонидан аукционга қўйилган ҳовли бошланғич баҳосидан икки баробар арзонга сотилгани ҳақида хабар қилинган эди.