Гўзаллик — бу жуда кенг тушунча. Ҳар бир аёл ўзини мафтункор, гўзал ва умуман ақл бовар қилмайдиган даражада деб ўйлаши мумкин. Аммо умумий гўзаллик сирининг калити айнан қаерда? Етакчи турк актрисаларининг жавоби бор ва бу жуда оддий. Уларнинг сўзларига кўра, бунинг сири — парваришда.
Уйқудаги гўзал: сафсатами ёки эҳтиёж?
Ханде Эрчелнинг ҳаёт суръати шиддатли. У интервьюларида бу ҳақда тез-тез айтиб ўтади ва бажарилган иш ҳажми билан томошабинларни ҳайратда қолдиради. Аммо қандай қилиб бундай тезлик билан табиий гўзалликни сақлаб қолиш ва кўз остидаги қора доғларни яшириш учун тонналаб косметик воситадан фойдаланмаслик мумкин? Актриса эса бўш вақтларини кўпинча ухлаш билан ўтказишини маълум қилди.
Бу ҳазил эмас. Бу гўзалликни сақлаш учун жуда муҳим омил. Статистик маълумотларга кўра, аёл кучли бўлиши ва кейинги ютуқларни амалга ошириши учун соғлом уйқу керак. Ханде учун уйқу унинг гўзаллик дастурининг муҳим таркибий қисмидир.
«Мен теримни тозалашга алоҳида эътибор қаратаман. Шунингдек, кўп сув ичаман ва хушбўй мойлардан фойдаланаман», — дейди актриса.
Гарчи аксарият аёллар юзини кўп босқичли тозалаш тизимига вақт сарфлашни ёқтирмаса ҳам, актриса ва макияж талаб қилинадиган бошқа касб вакиллари учун бу ҳақиқий нажотдир. Кўзларда туш, юзда тональ крем билан ухлаб қолиш юз терисида турли хил тошмалар пайдо бўлишига сабаб бўлади.
Ғамхўрликнинг муҳим нуқтаси — бу хушбўй мойлардан фойдаланиш. Туркияда махсус хушбўй мойлар жуда кенг тарқалган бўлиб, билак ва бўйин орқа қисмига суртилади. Кўпинча ёғлар стресс вақтида ишлатилади: уларнинг табиий таркиби асаб тизимини тинчлантиришга ёрдам беради. Хушбўй антистресс-концентрат, айниқса, дам олиш ва стрессни бартараф этиш учун жуда яхши.
Шунингдек, Ханде керишиш ва массажсиз яшай олмаслигини айтиб ўтди: «Мен аввал керишиб олишим керак, акс ҳолда бутун танамнинг оғирлигини ҳис қиламан. Вақт топсам, массажга бораман».
Хулоса қилиб айтганда, Хандега бундай гўзалликни сақлаб қолишида қуйидагилар ёрдам беради:
- сифатли уйқу;
- юз терисини парвариш қилиш ва кундалик ҳаётда макияжга кўп мурожаат қилмаслик;
- суюқлик ичиш режими;
- организм билан алоқани тиклаш учун керишиш ва массаж.
Демет Ўздемир мукаммал терига эга. Кўплаб турк стилистлари унинг юзи билан ишлаш ниҳоятда осонлигини айтиб ўтган. Иссиқ мамлакат аҳолиси атиргул ёғисиз яшай олмайди. Демет бунга яққол мисол. У Ханде сингари тери тозалиги тушунчасига жуда эътиборли (айниқса, киностудиядаги оғир кундан кейин), шунинг учун у кўпинча атиргул сувидан фойдаланади. Интервьюда у шундай деди:
«Одатий кунларда кўп бўянмайман, сериалда суратга тушганимдан сўнг кўплаб косметика воситаларидан танаффус қиламан. Мен одатда теримни гул суви билан тозалайман».
Ва яна кундалик ҳаётда макияжсиз юриш ҳам муҳим нуқта ҳисобланади. Қизиғи шундаки, актрисалар доимо юзларидаги макияждан жуда чарчашади. Шунингдек, қаҳва скраблари нима эканлигини биласизми? Одатда улар терини тортади ва рангни керакли кўринишга олиб келишга ёрдам беради. Демет Ўздемир ҳам турк қаҳвасидан юз ниқоби сифатида фойдаланади. Унинг сўзларига кўра, у бу ниқоб ҳақида онаси ҳамда синглисидан билиб олган.
Умуман олганда, Демет гўзаллик бўйича қуйидагиларни таклиф қилади:
- фейсбилдинг;
- кўп бўянмаслик;
- атиргул суви билан терини тозалаш;
- турк қаҳвасига асосланган сирли ниқоб.
Неслиҳан Атагулнинг гўзаллигини тан олмасликнинг иложи йўқ. Актриса ақл бовар қилмайдиган даражада эсда қоларли кўринишга эга. Вақти-вақти билан шишиб кетиши туфайли стилистларга ноқулайлик туғдирадиган кўз остидаги халтачаларга қарамай, Неслиҳаннинг ўзи ҳақли равишда Туркиянинг энг гўзал аёлларидан бири ҳисобланади. У ҳам ҳамкасблари сингари гўзаллик сирлари билан бўлишди.
Биринчи асосий нарса — спорт. Қанчалик қийин бўлмасин, Неслиҳан учун гўзаллик соғлом ва тетик танадир. Кейинчалик туришга куч қолмаслиги учун машғулотларда ортиқча чарчаш шарт эмас. Аммо енгил кардио ёки мураббий билан машқлар тўплами ҳеч кимга зарар келтирмаслиги аниқ. Актрисанинг айтишича, спорт унинг яхши ухлашига, шиш ва ҳаётнинг бошқа муаммоларига қарши туришига ёрдам беради.
Иккинчиси — тўғри овқатланиш. Неслиҳан фақат органик маҳсулотлар истеъмол қилади ва тез овқатланишни рағбатлантирмасликка ҳаракат қилади. Актриса йогуртга алоҳида эътибор қаратади. У ичакларни жуда яхши тозалайди — бу терининг тозалигига ҳам таъсир қилади. Бироқ актрисанинг яна бир сири бор: у ниқоблардан фойдаланишни яхши кўради. Асалдан тайёрланган ниқоб унинг севимлиси. Рецептга кўра, янги асалга лимон томчилари қўшилиб, юзга суртиш керак. 10 дақиқадан сўнг ювиб ташланади.
Шунингдек, у атиргул сувини баъзида арган мойига алмаштиради ва кундалик ҳаётда қуйидагиларга амал қилади:
- спорт;
- соғлом уйқу;
- соғлом овқатланиш;
- органик маҳсулотлардан тайёрланган ниқоблар;
- кўп бўянмаслик;
- атиргул суви.
Изоҳ (0)