Ижтимоий тармоқлардан фойдаланишга тақиқ, овқатланиш учун «пора». Машҳурлар фарзанд тарбиялашда амал қиладиган ноодатий қоидалар

Ота-она бўлишга тайёргарлик кўриб бермайди — бу кўпинча биз тасаввур қилганимиздан ҳам қийинроқ. Машҳурлар дабдабали ва беташвиш ҳаёт кечиришса-да, улар ҳам фарзанд тарбиясида қийинчиликларга дуч келишади.

Дрю Берримор

Актриса, продюсер ва ишбилармон аёл Дрю Берримор 6 ёшиданоқ машҳур бўлган. Ҳозир у 9 ва 7 ёшли қизларнинг онаси. Дрю қизларига ҳеч бўлмаганда балоғатга етгунга қадар актриса бўлишига рухсат бермаслигини очиқчасига айтган. У қизларининг болалигидан завқланишини ва доимо ёнида бўлишини хоҳлайди.

Жизел Бюндхен

Жизел Бюндхеннинг Том Бредидан 2 нафар фарзанди бор. Эр-хотин тагликлардан фойдаланмасликка қарор қилишган – бир марталикдан ҳам, кўп марталик матолисидан ҳам. Улар гўдакни «чақалоқ учун табиий гигиена» ҳисобланган тувакка ўтиришга ўргатишади.

Актриса болани қўлига олиб, уни диққат билан кузатади. Вақти келганда тувакка ўтирғизади. Бундай тизимли ўргатишнинг фойдаси жуда кўп, масалан, ўғли Бенжаминни 6 ойлигида тувакка ўргата олган.

Кейт Уинслет

3 нафар фарзанднинг онаси Кейт Уинслет уларга ҳар қандай ижтимоий тармоқлардан фойдаланишни тақиқлайди: «Бу ёш қизларнинг ўз-ўзини баҳолашга катта таъсир қилади, интернет туфайли улар бошқаларга ёқиш учун ҳамма нарсани қила бошлайди».

Уилл ва Жада Смит

Смитлар оиласида фақат битта қоида амал қилади: «Ҳеч қандай қоида йўқ». Жада ва Уилл болаларга ўз ҳаётларини максимал даражада назорат қилишларига имкон беради. Улар жуда ёшлигиданоқ оилада «ишонч доираси» амалиёти ўтказилади – болалар ўзлари қилган ҳамма ишни, ҳатто ёмон нарса бўлса ҳам, ҳеч қандай салбий оқибатларсиз тан олишади.

Хейди Клум

Хейди Клум болаларига соғлом овқатланишлари учун «пора беради». «Аввал болалар эрталаб тайёрланган смузиларни ёқтирмасди, шунинг учун порцияларини тугаца, уларга бир доллар тўлашга қарор қилдим». Фарзандлари ҳам бу пулларни сарфламай, йиғишади.

 Кристен Белл

Кристен Белл ухлашдан бош тортган қизини хонасига қулфлаб қўяди. У буни шундай изоҳлайди: «У хонага киради ва биз эшикни қулфлаймиз. Биз ташқарида туриб биз сени яхши кўрамиз, сен билан эрталаб гаплашамиз, лекин ҳозир ухлаш вақти бўлди, деймиз. 10 дақиқадан сўнг у тинчланади. Ухлашдан олдин, биз, албатта, эшикни очиб қўямиз».

Анжелина Жоли

Анжелина Жоли ҳеч қачон болалари олдида йиғламайди. «Мендан ташвишланишларини хоҳламайман. Менимча, баъзида ювиниш хонасида йиғлаб олиш керак, лекин болаларнинг олдида эмас. Улар ҳаммаси яхши эканини билишлари керак, аслида вазият ундай бўлмаса ҳам», — дейди Жоли.