Andijonda maxsus jihozlangan Cobalt’da 117 million so‘mlik tamaki mahsulotlarini olib ketayotgan haydovchi to‘xtatildi. Bu haqda “Daryo” muxbiri xabar bermoqda.
Ta’kidlanishicha, viloyat DXX, Bojxona hamda Ichki ishlar boshqarmalari xodimlari hamkorligida Oltinko‘l tumani hududida o‘tkazilgan tezkor tadbirda fuqaro M.O.ga tegishli Cobalt ko‘zdan kechirilganda mashinada yashirin tarzda 9000 quti tamaki mahsulotlari olib ketilayotgani aniqlangan.
“Avtotransport vositasi qayta jihozlanishi natijasida o‘ylab topilgan sun’iy xufyona qismlarda hamda o‘rindiq olib tashlanib, qutilarga joylangan, bojxona rasmiylashtiruvidan o‘tmagan, aylanma yo‘llar orqali respublika hududiga olib o‘tilgan, umumiy qiymati 177 million so‘mlik tamaki mahsulotlari daliliy ashyo sifatida vaqtincha saqlovga olingan”, — deydi tadbir ishtirokchilaridan biri.
Holat yuzasidan viloyati bojxona boshqarmasi tomonidan tergovga qadar tekshiruv harakatlari olib borilmoqda.
Izoh (0)