Тошкент шаҳри Яшнобод туманида 8 апрель куни юк машинасининг контейнери ерга қулаб тушди. Бу ҳақда Йўл ҳаракати хавфсизлиги хизмати хабар қилди.
Қайд этилишича, ҳолат 8 апрель куни соат 16:30 ларда туманнинг Махтумқули кўчасида содир бўлган. Ҳайдовчи Й.С. (1955 йилда туғилган) МАЗ-54323 юк автомобилига уланган ярим тиркамага контейнер ортиб ҳаракатланиб кетаётган бўлган. Ортилган контейнернинг тепа қисми ушбу кўчадан кесиб ўтган кўприкка тегиб қолган. Контейнернинг бир томони ярим тиркама устидан ерга тушган.
Ҳодиса оқибатида тан жароҳати олган фуқаролар йўқ. Ҳолат юзасидан Тошкент шаҳар ИИББ ЙҲХБ ва йўлга масъул идора ходимлари томонидан тегишли ҳужжатлар расмийлаштирилган.
Изоҳ (0)