Ижтимоий тармоқларда Қарши шаҳридаги «Версал» тўйхонаси яқинида ёнғин бўлаётгани ҳақида хабар берилди. Вилоят Фавқулодда вазиятлар бошқармаси хабарга аниқлик киритиб, ёнилғи ташувчи автомобилда ёнғин содир бўлганини маълум қилди.
«Ушбу ҳолат бўйича бугун соат тахминан 15:12 да Қарши шаҳар Фавқулодда вазиятлар бўлимига хабар келиб тушган. Хабарга кўра, воқеа жойига битта бўлинма соат 15:23 да етиб бориб, ёнғинни 15:29 да тўлиқ ўчирган», — дейди бошқарма ахборот хизмати раҳбари Соҳиб Ваитов.
Масъулнинг қўшимча қилишича, Қарши шаҳридаги Star Oil автомобилларга ёнилғи қуйиш шохобчаси ҳовлисида Қарши тумани «Кўчкак» маҳалласида яшовчи 26 ёшли ҳайдовчи А.Х. бошқарувидаги қора рангли, давлат белгиси 70 Z 371 NА русумли ёнилғи ташувчи «Бензавоз»нинг мотор қисмида ёнғин келиб чиққан.
Ёнғиндан ҳеч ким тан жароҳати олмаган. Ҳозирда ёнғин сабаби ва зарари аниқланмоқда.
Изоҳ (0)