Мадриднинг “Реал” клуби ҳужумчиси Килиан Мбаппе Испания Ла Лигаси 1-туридан ўрин олган “Осасуна”га қарши ўйиндан (1:0) сўнг ўзининг янги рақами ҳақида фикр билдирди.
Футболчи 10-рақам ҳақида берилган саволга ҳазил тариқасида жавоб берди:
Янги рақам? Умид қиламанки, ҳар мавсум рақам ўзгартиришга тўғри келмайди (кулиб). Биз яхши ўйин кўрсатдик, деб ўйлайман. Албатта, ҳали ишлашимиз керак бўлган жиҳатлар бор. Бу мавсумнинг илк учрашуви эди, шунинг учун бир оз қийинчиликка дуч келдик, деб ҳисоблайман. Лекин ўз ўйинимизни яхшилашда давом этамиз, — деди Мбаппе ўйин якунланганидан кейинги интервьюсида.
Эслатиб ўтамиз, Мбаппе бу ёзда “Реал”даги рақамини ўзгартириб, 10-рақамни танлади. У аввалги мавсумда 9-рақам остида ҳаракат қилган эди. Ёзги трансфер ойнаси давомида Лука Модрич жамоани тарк этди ва унинг рақами Мбаппега берилди.
Маълумот учун, Испания Ла Лигасининг биринчи турида “Реал” “Осасуна”ни 1:0 ҳисобида мағлуб этди. Ўйиндаги ягона голни Килиан Мбаппе пенальтидан киритди.
Изоҳ (0)