Беларусда дўст бўлмаган давлатлар рўйхат тасдиқланди, ундан 39 та мамлакат ўрин олган, деб хабар беради Спутник Беларусь.
«Беларусь юридик ва жисмоний шахсларига нисбатан дўст бўлмаган ҳаракатларни» амалга ошираётган давлатлар қаторига Европа Иттифоқининг 27 та давлати киритилган. Шунингдек, рўйхатдан қуйидаги давлатлар ўрин олган:
- АҚШ;
- Буюк Британия;
- Канада;
- Норвегия;
- Исландия;
- Швейцария;
- Албания;
- Черногория;
- Шимолий Македония;
- Лихтенштейн;
- Австралия;
- Янги Зеландия.
7 апрель куни Беларусь президенти Александр Лукашенко дўст бўлмаган давлатларнинг резидентлари томонидан тўловларни амалга оширишни тўхтатувчи қарорни имзолади. «Ҳужжат Беларусь юридик ёки жисмоний шахсларига нисбатан дўст бўлмаган ҳаракатларни содир этган хорижий давлатлар резидентларининг талабига биноан миллий тадбиркорлик субъектларининг ҳисобварақларидан маблағлар ечиб олинишини ҳимоя қилишга қаратилган», — дейилади Лукашенко матбуот хизматининг хабарида.
Қарорга кўра, бундай резидентлар фойдасига чиқарилган ҳужжатлар ижроси тўхтатилган, банклар улар мустақил равишда тақдим этган тўлов талабномаларини тўловчининг аксептисиз қабул қилишдан бош тортишлари шарт.
Дўст бўлмаган мамлакатларга нисбатан жорий этилган яна бир чора Беларусга қарши санкциялар қўллаган давлатлар олдидаги давлат қарзини тўлаш билан боғлиқ. Эндиликда республика Молия вазирлиги дўст бўлмаган давлатлар чекловларни қўлласа, миллий валютада — Беларусь рублияда ҳисоб-китобларни амалга ошириш ҳуқуқига эга. Хусусан, Беларусда амалга оширилаётган инвестиция лойиҳалари музатилса, уларни молиялаштириш вақтинча тўхтатилса, мамлакат «давлат қарзини хориж валютасида тўлаш имкониятидан» маҳрум этилади.
Изоҳ (0)