Belarusda do‘st bo‘lmagan davlatlar ro‘yxat tasdiqlandi, undan 39 ta mamlakat o‘rin olgan, deb xabar beradi Sputnik Belarus.
“Belarus yuridik va jismoniy shaxslariga nisbatan do‘st bo‘lmagan harakatlarni” amalga oshirayotgan davlatlar qatoriga Yevropa Ittifoqining 27 ta davlati kiritilgan. Shuningdek, ro‘yxatdan quyidagi davlatlar o‘rin olgan:
- AQSH;
- Buyuk Britaniya;
- Kanada;
- Norvegiya;
- Islandiya;
- Shveysariya;
- Albaniya;
- Chernogoriya;
- Shimoliy Makedoniya;
- Lixtenshteyn;
- Avstraliya;
- Yangi Zelandiya.
7-aprel kuni Belarus prezidenti Aleksandr Lukashenko do‘st bo‘lmagan davlatlarning rezidentlari tomonidan to‘lovlarni amalga oshirishni to‘xtatuvchi qarorni imzoladi. “Hujjat Belarus yuridik yoki jismoniy shaxslariga nisbatan do‘st bo‘lmagan harakatlarni sodir etgan xorijiy davlatlar rezidentlarining talabiga binoan milliy tadbirkorlik subyektlarining hisobvaraqlaridan mablag‘lar yechib olinishini himoya qilishga qaratilgan”, — deyiladi Lukashenko matbuot xizmatining xabarida.
Qarorga ko‘ra, bunday rezidentlar foydasiga chiqarilgan hujjatlar ijrosi to‘xtatilgan, banklar ular mustaqil ravishda taqdim etgan to‘lov talabnomalarini to‘lovchining akseptisiz qabul qilishdan bosh tortishlari shart.
Do‘st bo‘lmagan mamlakatlarga nisbatan joriy etilgan yana bir chora Belarusga qarshi sanksiyalar qo‘llagan davlatlar oldidagi davlat qarzini to‘lash bilan bog‘liq. Endilikda respublika Moliya vazirligi do‘st bo‘lmagan davlatlar cheklovlarni qo‘llasa, milliy valyutada — Belarus rubliyada hisob-kitoblarni amalga oshirish huquqiga ega. Xususan, Belarusda amalga oshirilayotgan investitsiya loyihalari muzatilsa, ularni moliyalashtirish vaqtincha to‘xtatilsa, mamlakat “davlat qarzini xorij valyutasida to‘lash imkoniyatidan” mahrum etiladi.
Izoh (0)