Instagram: Ҳашаматли хонадонини кўрсатган Улуғбек Раҳматуллаев, туғилган кунини Дубайда нишонлаган Асал Шодиева, аҳволи оғирлашган Лутфулла Саъдуллаев

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Режиссёр Зебо Наврўзова ўғиллари ва келинлари билан тушган суратини саҳифасига жойлаштирди.

Режиссёрнинг ўртанча келини, актриса Асал Шодиева 6 апрель куни 30 ёшни қарши олди. У айни пайтда ўғиллари билан Дубайда ҳордиқ чиқармоқда.

Шоҳруххон рафиқасини туғилган куни билан табриклаб, саҳифасига у билан бирга тушган суратини жойлади.

Даврон Кабулов кузатувчиларининг саволларига жавоб берар экан, рафиқасига хиёнат қилмаганини таъкидлаб ўтди.

Паризода 1-шаҳар клиник шифохонасига бувисини ётқизмоқчи бўлиб борди, аммо у ердаги шароитсизликни кўриб, бу фикридан қайтди. Раққосанинг айтишича, шифохонадаги палаталар зах ва совуқ, беморлар учун етарли шароит яратилмаган.

Турк киноси юлдузи Нургул Ешилчай ёш ҳамкасабаси Афра Сарачўғлу билан Лондонга саёҳат қилмоқда.

Хонанда Улуғбек Раҳматуллаев кузатувчиларига замонавий услубда таъмирланган хонадони интерьерини намойиш этди.

Рихситилла Абдуллаев туғилган куни муносабати билан илиқ табриклар ёзиб қолдирган кузатувчиларига миннатдорчилик билдирди.

Юлдуз Усмонова концерт дастуридан сўнг ўзи туғилиб ўсган Марғилон шаҳрида оиласи, ижодий жамоаси билан дам олмоқда. Хонанда шаҳардаги истироҳат боғларидан бирида неваралари билан биргаликда аттракционларда учаётгани акс этган видео унинг ижтимоий тармоқдаги саҳифаларига жойланди.

«Садоқатсиз» сериали юлдузи Жансу Дере испаниялик мухлислари билан учрашди.

Хонанда Юлдуз Турдиева бувижонисининг 97 ёшда ҳаётдан кўз юмганини айтиб, кузатувчиларидан марҳуманинг ҳаққига дуо қилиб қўйишларини сўради.

Феруза Жуманиёзова кузатувчиларига янги сурати билан кўриниш берди.

Узоқ давом этган танаффусдан сўнг кинога қайтаётган Улуғбек Қодиров «Юр муҳаббат» сериалида суратга тушаётгани маълум бўлди. Унинг сериалдаги партнёри актриса Ситора Алимжонова.

6 апрель санасида хонанда Нилуфар Усмонова ҳам туғилган кунини нишонламоқда.

Шаҳзода Матчонова дугонаси Нилуфар Усмоновани самимий табриклаб, унга илиқ сўзларни ёзиб қолдирди.

Касалхонанининг жонлантириш бўлимида ётган Ўзбекистон халқ артисти Лутфулла Саъдуллаевнинг аҳволи оғирлашди. Бу ҳақда унинг кенжа қизи Муқаддас Саъдуллаева маълум қилди.

Муқаддас отасининг ҳаққига дуо қилаётган барчага миннатдорчилик билдирди.