Ish va ijod bilan band ekaniga qaramay, sevimli mashg‘uloti bilan shug‘ullanishga vaqt topishni uddasidan chiqadigan shou-biznes vakillari haqida ma’lumot berib o‘tamiz.

Madonna: Ot sporti

Foto: Cosmopolitan

Xizmat safarlari va turli qizil yo‘laklarga borishdan bo‘sh vaqtida Madonna ot minish sporti bilan shug‘ullanadi. Xonandaning aytishicha, unda bu qiziqish bolaligidayoq paydo bo‘lgan. U ilk marta ot minib ko‘rganidan keyin ushbu sport bilan shug‘ullanishini tushunib yetgan.

Sara Jessika Parker: velosiped minish

Foto: Cosmopolitan

Sara har kuni tongni Nyu-Yorkdagi markaziy bog‘da yugurishdan boshlaydi va imkon bo‘lishi bilan velosiped haydashga tushadi. Bolaligidan buyon ushbu sport turini yaxshi ko‘radigan aktrisa, toza havoda soatlab velosipedda sayr qilish unga tug‘ruqdan keyin vazn tashlashga yordam berganini ta’kidlaydi.

Jizel Bundxen: syorfing va yoga

Foto: Cosmopolitan

Aksariyat bo‘sh vaqtini qirg‘oqda o‘tkazadigan model, syorfingning ashaddiy muxlisi hisoblanadi. Qolaversa, bundan bir necha yil avval yoga bilan jiddiy shug‘ullangan Bundxen shundan buyon haftadagi 3-4 kunni toza havoda mashqlar bajarishga ajratadi.

Mila Kunis va Eshton Katcher: basketbol

Foto: Cosmopolitan

Farzandli bo‘lishiga oz qolgan juftlik vaqt topishi bilan basketbol o‘yinlariga borishni yoqtiradi.

Dmitriy Medvedev: suratga olish

Foto: Cosmopolitan

Dmitriy Medvedev suratga olishga bolaligidanoq qiziqadi. Bu shunchaki qiziqish, emas siyosatchi ochiq osmon ostidagi “Dunyo rossiyaliklar ko‘zi bilan” nomli havaskorlar fotoko‘rgazmasida ishtirok etgan. 2020-yilda u tomonidan olingan suratlar Xitoyning Xaynan provinsiyasida namoyish qilingan.

Teylor Svift: pazandachilik

Foto: Cosmoploitan

Teylor ishidan bo‘sh vaqtlarida pazandachilik bilan mashg‘ul bo‘ladi. Dugonalar davrasida u mazali pasta, pirog, tort va boshqa yeguliklar tayyorlaydi.

Beyonse va Jay-Z: sayohat

Foto: Cosmopolitan

Instagram’dagi sahifasini kuzatib juftlikning bo‘sh vaqtida sayohat qilishini bilish mumkin. Ular birgalikda yaxtadan suvga sakrashni, qumga ko‘milish hamda baland tog‘li cho‘qqilarni zabt etishni afzal biladi.

Selena Gomes: pazandachilik

Foto: Cosmopolitan

Pazandachilik Teylor singari Gomesning ham jon-u dili. Selena aktrisalik va xonandalikdan tashqari Selena+Chef shousini ham olib boradi. Mashhur oshpazlar bilan uy bekalariga to‘g‘ri keladigan tajribalar bilan bo‘lishadigan Gomes pandemiya vaqtida shouni video muloqot tarzida olib borgan. Shuningdek, xonanda nosog‘lom mahsulotlar shokolad, popkorn va yog‘li taomlarni yaxshi ko‘radi.

Dueyn Jonson: bodibilding

Foto: Cosmopolitan

Dueyn Jonson resling yulduzidan Gollivudning “Yangi Shvarsenegger” va bodibilding “ikonya”siga aylangan. U barcha bo‘sh vaqtini sport zalda o‘tkazadi. “Mashg‘ulotlar meni energiya bilan ta’minlab, yashashga bo‘lgan istak uyg‘otadi”, — degan aktyor.

Tom Felton: golf

Foto: Cosmopolitan

Tom bo‘sh vaqtida bir qancha mashg‘ulotlar bilan shug‘ullanishi mumkin. Musiqa yozib bastalaydigan aktyor, ko‘p sayohat qilishga ham ulguradi. Golf esa uning eng sevimli mashg‘uloti hisoblanadi.