Forbes журнали дунёдаги энг бой аёлларнинг йиллик рейтингини эълон қилди. Рўйхатда барбадослик биринчи миллиардерга айланган Рианна ҳам бор.
Хабарларга кўра, Рианнанинг бойлиги 1,7 миллиард долларга баҳоланмоқда. Хонанда ўз даромадининг асосий қисмини Fenty Beauty косметика ва Savage Х Fenty ички кийим брендидаги улушлари орқали олади.
Рўйхатда биринчи ўринни (иккинчи йил кетма-кет) L’Oréal косметика империясининг меросхўри Француаза Бетанкур Майерс эгаллади. Унинг бойлиги 74,8 миллиард долларни ташкил қилади. Иккинчи ўринда Walmart асосчиси Элис Уолтоннинг қизи бўлиб, унинг бойлиги 65,3 миллиард долларга баҳоланган. Кучли учликни 74,8 миллиард доллар билан тадбиркор ва хайриячи Дэвид Кохнинг беваси Жулия Кох якунлади.
Мавзуга доир:
- Хонанда Рианна илк маротаба она бўлади
- Юлдузлардан косметик воситалар: бизнесда омади чопган ва буни уддалай олмаган машҳурлар (фото)
- Мактабда «иккичи» бўлишига қарамай оламшумул муваффақият қозонган машҳурлар (фото)
- Беш юз минг доллар ва ундан кўп: Голливуд юлдузлари тансоқчиларига қанча маблағ тўлайди?
Изоҳ (0)