Унда айтилишича, воқеа 1 апрель куни соат 09:00 ларда Москвадаги «Сердсе столици» турар жой мажмуаси қурилиши ҳудудида юз берган ва 125 киши қўлга олинган.
«Дунё» ахборот агентлиги хабарига кўра, воқеа жойига зудлик билан ҳуқуқ-тартибот органлари ходимлари етиб келиб, салбий ҳолатларнинг олдини олган. Жабрланганлар йўқ. Жанжалда 120 дан ортиқ киши иштирок этгани ҳақиқатга тўғри келмайди. Видеода кўринган бир тўда кишилар шунчаки ҳолатни кузатиб турган. Вазиятга ойдинлик киритиш мақсадида можаро иштирокчилари ҳудудий ички ишлар бўлимларига олиб кетилган.
Айни пайтда қўлга олинганларга нисбатан «майда безорилик» моддаси бўйича маъмурий иш қўзғатилган. Суд органлари фуқароларни маъмурий қамоққа олиш тўғрисида қарор чиқарган. Полиция ходимлари ҳуқуқбузарларни Россиядан депортация қилиш учун судга илтимоснома ҳам тайёрламоқда.
Ўзбекистоннинг Россиядаги элчихонаси консуллик бўлими ҳолатни назоратга олган.
Изоҳ (0)