Тез орада ҳаво ҳарорати кўтарилиб, гардеробни ёзги либослар эгаллайди. Шу билан бирга, хоналарни салқин қилиш учун кондиционерлар фаол иш бошлайди. Бироқ улар иссиқликдан қутқарса ҳам, соғлиқда бир қатор муаммоларни келтириб чиқариши мумкин.
Кондиционер ҳавони қуритади. Хонадаги ҳаво конденсатордан ўтади, натижада ундан совуқ ҳаво чиқади. Агар намлик юқори бўлган иқлим шароитида яшасангиз ва ҳаво даражасини пасайтирмоқчи бўлсангиз, бу яхши. Аммо қуруқ ҳавода кўп вақт ўтказилса, бу организмга зарар етказишни бошлаши мумкин.
Инсон доимо намликни йўқотиши мутлақо меъёрдир, шунинг учун унинг ўрнини вақтида тўлдирилиш керак. Агар муҳит салқин бўлса, суюқлик даражасини узоқ вақт давомида тўлдириш истаги бўлмаслиги мумкин. Буларнинг барчаси сувсизланишга олиб келади, бу эса бош оғриғи, чарчоқ, лаблар ва тери қуриши ва бош айланиши каби бир қатор муаммоларни келтириб чиқариши мумкин.
Тери қуриши
Кондиционерли муҳитда кўп вақт ўтказадиган одамлар тери қуриши ва қичишишини бошдан кечириши мумкин. Кўпинча тери қуриши сувсизланиш билан ёки бошқа омиллар ҳам сабаб бўлиши мумкин. Мумкин бўлган сабаблардан бири — ҳаводаги зарарли моддаларга реакция. Бунинг сабаби кондиционер тизимининг керакли даражада ишламаётгани ёки ҳаво мунтазам равишда алмаштирилмаслиги натижасида унда кимёвий моддалар тўпланишига олиб келиши мумкин.
Нафас олиш билан боғлиқ муаммолар
Вақтининг кўп қисмини кондиционерли хоналарда ўтказадиган одамлар бошқаларга қараганда юқори нафас олиш йўллари билан боғлиқ муаммоларга дуч келади. Кўринадиган аломатлар одатда бурун битиши, томоқ қуриши ёки ринитни ўз ичига олади.
Кондиционер кўпинча ҳаво жуда қуруқ бўлиб қолганлиги сабабли томоқ шиллиқ қаватининг қуриши ва ачишиш хусусиятини келтириб чиқаради, бу эса фарингит ривожланиши учун қулай муҳитдир.
Юқумли касалликлар
Агар шиллиқ пардалар қуруқ бўлса — бу кўпинча кондиционер ишлаётганида содир бўлади, у ҳолда улар ўзларининг ҳимоя функцияларини бажаришни тўхтатади, яъни вирус ва бактерияларни сақлаб қолиш қобилиятини йўқотади. Шунингдек, катта кондиционерлар пневмониянинг оғир шаклига айланиб кетадиган юқумли касаллик бўлган легионер касаллигини (легионеллеоз) келтириб чиқарадиган ўта хавфли ва ўлимга олиб келадиган бактерия учун кўпайиш жойидир.
Аллергия ва астма
Астмани келтириб чиқарадиган бир қатор омиллар мавжуд. Уларнинг кўпчилиги ички ҳаво билан боғлиқ. Агар кондиционердаги фильтрлар мунтазам равишда тозаланса ва қурилма тўғри ишлаётган бўлса, бу ҳаводаги аллергенлар миқдорини камайтиришга ёрдам беради. Бироқ кондиционерли хонада кўп вақт ўтказиш туфайли чанг ва кимёвий моддаларга дучор бўлиш мумкин.
Кондиционерда тўпланиши мумкин бўлган намлик туфайли моғор пайдо бўлиши ва споралар қурилмадан ҳаво орқали тарқалиши мумкин. Бу кўп одамларда аллергик реакцияларни ёки ҳатто астма хуружини келтириб чиқариши мумкин.
Мавзуга доир:
Изоҳ (0)