Сўнгги кунларда мамлакат автойўлларида содир бўлган йўл-транспорт ҳодисалари тафсилотларини тақдим этамиз
Қамчиқда юк автомобили ағдарилди
Йўл транспорт ҳодисаси 3 апрель куни соат 13:00 ларда Тошкент вилояти Оҳангарон тумани ҳудудидан ўтган Қамчиқ довони А-373 автомобиль йўлида содир бўлган. Ҳайдовчи (1979 йилда туғилган) М.К. тиркама уланган Mercedes-Benz юк транспорт воситасида ҳаракатланаётиб, йўлнинг 197-километрига етган вақтда хавфли бурилиш жойида бошқарувни йўқотган. Оқибатда юк автомобили ва тиркама ағдарилган.
ЙТҲда тан жароҳати олган фуқаролар йўқ. ФВБ ва ЙҲХБ ходимлари томонидан ҳайдовчига амалий ёрдам кўрсатилиб, оқибатлар бартараф этилган.
Ҳолат юзасидан Оҳангарон тумани ИИБ ЙҲХБ ходимлари томонидан суриштирув олиб борилмоқда.
Андижонда «ЗИЛ» ва Damas тўқнашди
Ҳолат 4 апрель куни соат 12:10 ларда Андижон вилояти Шаҳрихон тумани ҳудудидан ўтувчи 4П-138 автомобиль йўлининг 6-километрида содир бўлган. Ҳайдовчи Н.Б. (1964 йилда туғилган) бошқарувидаги «Газ-5204» юк автомобили ҳамда ҳайдовчи М.Н. (1991 йилда туғилган) бошқарувидаги Damas автомобили иштирокида тўқнашув содир бўлган.
ЙТҲ оқибатида тан жароҳати олган фуқаролар йўқ.
Ҳолат юзасидан Шаҳрихон тумани ИИБ ЖХХ ЙҲХБ ходимлари томонидан суриштирув ҳаракатлари олиб борилмоқда.
Изоҳ (0)