Бугун,

  • USD 11014.01
  • RUB 191.8
  • EUR 10674.78

Марказий банк хорижий валюталарнинг ўзбек сўмига нисбатан 1 апрелда амалда бўладиган қийматини белгилади.

Фото: CNBC

Фото: CNBC

Унга кўра, рублнинг сўмга нисбатан қиймати урушдан аввалги қийматига тўлиқ қайтди. 

24 февраль куни Россия Украинада ҳарбий операцияни бошлаган эди. Айни ўша пайтда рублнинг сўмга нисбатан қиймати 136,41 сўм эди. 

1 апрель ҳолатига кўра Ўзбекистонда 1 рубль 139,18 сўм бўлмоқда. Таққослаш учун 9 март куни, рубль 80 сўмга баҳоланаётган эди. 

4 март куни Ўзбекистонда жисмоний шахслар 86,5 млн рубллик Россия валютасини харид қилган эди. Ўша вақтда рублнинг сўмга нисбатан қиймати 93,04 сўм эди.

3 март куни эса Марказий банк рубль қадрсизланаётгани туфайли зарурий чоралар кўришни бошлаган эди. Унга кўра Ўзбекистондаги барча банкларда рублдаги пул ўтказмалари бўйича айирбошлаш операцияларини узлуксиз амалга ошириш белгиланган эди. Бундан ташқари Россия рублини сотиш ва сотиб олиш курсларини жорий халқаро котировкаларга асосан кун давомида ўзгартириб бориш тавсия қилинганди.

Рубль мустаҳкамланишинг асосий сабаблари:

  • Россия президенти Валдимир Путиннинг санкция қўллаган мамлакатларга газни рублда сотиш ҳақидаги қарори;
  • Россия Марказий банкининг валюта чекловлари (эркин сотиб олиш ва сотишни тақиқлаш, рублда хорижий валюта депозитларини чиқариш ва бошқалар);
  • Валюта тушумининг 80 фоизини сотиш бўйича талаблар киритилиши ва бошқалар.
Шу сабабларга кўра, рубль нафақат сўмга, балки доллар, евро ва бошқа валюталарга нисбатан ҳам ўсиб бормоқда.

Аввалроқ Ўзбекистонда бир неча кундан буён рубль курси кўтарилаётгани сабаблари маълум қилинган эди.

Изоҳ
Асосий янгиликлар