Ошхона жиҳозларининг аксариятидан бошқа мақсадда ҳам фойдаланиш мумкин.
Музқаймоқ қошиғи гамбургер тайёрлашга ёрдам беради
Гамбургер учун бир хил котлетларни тайёрлашнинг энг осон йўли музқаймоқ қошиғидан фойдаланишдир. Котлетлар учун қиймали аралашма тайёрланади ва уларнинг барчаси бир хил ўлчамда бўлади. Фақат кейин уни яхшилаб ювишни унутмаслик зарур.
Пицца кесадиган салат учун фойдали
Пицца кесадиган кўкат ва бошқа салат маҳсулотларини яхши кесиб ташлайди ва улар ажойиб кўринишга келади.
Френч-пресс қаймоқ кўпиртириш учун
Миксер йўқми? Муаммо эмас. Қаймоқни френч-прессга қуйиб, қопқоғи маҳкам ёпилади, сўнгра қаймоқ қалинлашгунча дастаги кўтариб туширилади.
Мазали чой учун
Френч-пресс чой ёки қаҳва учун ҳам қўл келади.
Кекс қолипида сувни музлатиш мумкин
Ширинлик учун мўлжалланган турли шаклдаги қолипларда муз бўлакларини ҳосил қилиш мумкин. Айниқса, зиёфат дастурхони учун бу ажойиб ғоя.
Кўкатлар учун
Яна шундай қолипларга зайтун ёғи қуйиб, кўкатларни ҳам музлатиш мумкин. Кейинги сафар шўрва тайёрланганда уларни бутунлигича таомга қўшиш тавсия этилади.
Тухум кесгич авокадо учун
Агар тухум кесгични фақат тухум учун фойдали деб ҳисобласангиз, яна ўйлаб кўринг. Бу авокадо, сариёғ, қўзиқорин, қулупнай ва бошқа кўплаб маҳсулотларни кесиши мумкин бўлган жуда кўп қиррали воситадир.
Блендер товуқ майдалаш учун
Қайнатилган товуқни майдалаш керакми? Фақат блендерни олинг. У товуқ гўштини салат, шўрва ва бошқа мазали таомлар учун мукаммал тарзда майдалайди.
Қаҳва қайнаткичда сули пишириш мумкин
Қаҳва қайнаткич идишига қаҳва ўрнига сули ёрмаси солинади ва ускуна ёқилади. У ёрма устига қайноқ сув қуйиб, нонушта тайёрлайди.
Картошка тозалагич селдер учун
Одатда фақат картошкани тозалаш учун ишлатиладиган пичоқ селдер, сабзи, қовоқ ва олмаларни тозалашда жуда яхши ишлайди.
Яна қулупнай ҳам тозалаш мумкин
Картошка тозалагич қулупнай «думи»ларни эҳтиёткорлик билан олиб ташлайди.
Олма кесадиган пиёзни ҳам тўғрайди
Пиёзни тўғраш доим кўзларни ачиштирса, уни олма кесадиган ёрдамида кичик бўлакларга бўлиш мумкин.
Қирғич сарёғни эритишга ёрдам беради
Пишириш пайтида сариёғни майдалаш учун оддий қирғичдан фойдаланиш мумкин. Бу уни музлаткичдан олдиндан олишни унутганда, уни тезроқ эритишга ёрдам беради. Бундан ташқари, бу мойни бошқа маҳсулотлар билан осонроқ аралаштиради.
Сузгич ёрдамида лимон шарбати олинади
Аввал лимонни сиқиб, кейин унинг уруғларини олиб ташлашда фильтрдан фойдаланиш мумкин. Уни сузгич устида ушлаб туриб, лимонни ишқалаш ва шарбатини янада кўпроқ олиш мумкин.
Қовун қошиғида олма тозалаш мумкин
Қовун қўшиғи ёрдамида олма ўртасидаги қаттиқ қисм ва уруғларни осонгина олиб ташлаш мумкин.
Изоҳ (0)