Тирноқларингиздаги акрил қопламани олиб ташлаш керак, лекин салонга боришга вақтингиз ёки имконингиз йўқми? Аслида акрилни олиб ташлаш осон иш эмас, буни барча кўрсатмаларга риоя қилган ҳолда жуда эҳтиёткорлик билан бажариш керак.
Уй шароитида тирноқлардаги акрилни ацетон билан қандай ўчириш мумкин?
Пилка ёрдамида олиб ташланг
Пилкадан фойдаланиб, иложи борича қалин акрил қопламасини кўчириб ташланг. Бунинг учун қаттиқлиги 100/180 бўлган пилка ёки тирноқ кесгич керак бўлади. Тирноқ атрофидаги терига эҳтиёт бўлинг.
Тирноқларни ацетонга ботиринг
Акрил иложи борича олиб ташланган акрилни юмшатиш учун тирноқларга ацетон қўллашни тавсия қилади.
Бунинг иккита усули бор: Биринчи ҳолатда ҳар бир тирноққа ацетон билан намланган пахта дискини қўйиб, бармоқлар учини фольга билан ўраш лозим. Иккинчи усулда қўлларни ацетонли идишга ботириш мумкин. Бу усул осон, лекин терига салбий таъсир кўрсатиши мумкин. Бундан ташқари, кўп вақт талаб этади.
Агар охирги вариантни танласангиз, тери қуриб кетмаслиги учун фақат бармоқ учларини идишга ботиринг. Бу муолажани фақат ҳаво яхши айланадиган жойда қилиш керак, чунки ацетон жуда учувчан суюқлик бўлиб, нафас олиш системасини зарарлаши мумкин.
Қолган акрилни эҳтиёткорлик билан олиб ташланг
Ацетонга ботиргандан сўнг, ҳар 20 дақиқада тирноқларингизни текширинг ва юмшоқ акрилни апельсин таёқчаси билан олиб ташланг. Бу жараённи қопламанинг ҳаммаси эримагунча такрорланг.
Тирноқлардаги акрилни ацетонсиз қандай кеткизиш мумкин?
Тирноқларни тозалаш воситасидан фойдаланиб ҳам олиб ташлашингиз мумкин. Аммо эсда тутинг: акрилни ацетонсиз кетказмоқчи бўлсангиз, бунга кўп вақт кетади. Буни қуйидагича амалга ошириш лозим:
- тирноқ олгич билан иложи борича акрил қопламани кесиб, тирноқларни қисқартиринг. Бу намлаш вақтини камайтиради.
- табиий тирноқни кесмасдан акрилни олиб ташлаш учун 100/180 пилкадан фойдаланинг. Бу ҳар қандай қатламни олиб ташлайди ва эритманинг кириб боришини осонлаштиради.
- пахтани тирноқдаги бўёқни ўчириш воситаси билан намланг ва бармоғингизнинг учини 5 сантиметр узунликдаги фольга бўлаги билан ўранг. 15-20 дақиқа кутинг, сўнгра фольга ва пахтани олиб ташланг.
- тирноқларда акрил қолган бўлса, яна лак тозалаш воситасидан фойдаланинг.
- тирноқларда қолган эритмани кеткизиш учун қўл ювишни унутманг.
Изоҳ (0)