Биткоин 4,41 фоизга ошиб, Тошкент вақти билан 28 март 03:07 да 46 499,29 долларни ташкил этди. Ўсиш кўрсаткичи аввалги қийматга нисбатан қарийб 2 минг доллар бўлди. Бу ҳақда Reuters хабар бермоқда.
Дунёдаги энг йирик ва энг машҳур криптовалюта бўлган биткоин январдаги 32 950,72 долларлик тушишдан бери 41,1 фоизга ўсди.
Якшанба куни Ethereum блокчейн тармоғига уланган Ether тангаси 3,92 фоизга ошиб, 3270,67 долларни ташкил этди ва 123,45 долларга кўтарилди.
Таҳлилчиларнинг фикрича, биткоин нархи барқарорлашмоқда, чунки ушбу криптовалюта кетма-кет 7-кун ўсишга эришмоқда.
Айни пайтда биткоин 47 минг доллар атрофида сотилмоқда ва кечгача 47,6 мингга етиши мумкин.
Биткоин 2 январдан бери ўзининг энг юқори чўққисига эришди. Сўнги бир ҳафта ичида унинг нархи 13,5 фоизга ошди.
Бозордаги ўзгарувчанлик ва ўсиш сўнгги 24 соат ичида 410 миллион доллардан ортиқ ликвид позицияларга олиб келди.
Изоҳ (0)