Президентнинг тегишли қарор ва фармойишлари билан Давлат божхона қўмитасининг бир қатор ҳудудий божхона бошқармалари раҳбариятида тайинловлар амалга оширилди. Бу ҳақда қўмита ахборот хизмати хабар қилди.
Қайд этилишича, Қорақалпоғистон Республикаси божхона бошқармаси бошлиғи вазифасида хизмат қилиб келган Олимжон Хожиматов Тошкент вилояти божхона бошқармаси бошлиғи этиб тайинланди.
Хоразм вилояти божхона бошқармаси бошлиғи вазифасида хизмат қилиб келаётган Казаков Илҳомбек Базарбаевич Қорақалпоғистон Республикаси божхона бошқармаси бошлиғи этиб тайинланди.
Фарғона вилояти божхона бошқармаси бошлиғининг биринчи ўринбосари вазифасида хизмат қилиб келаётган Кличев Мақсудбек Раҳимберганович Хоразм вилояти божхона бошқармаси бошлиғи этиб тайинланди.
Тошкент шаҳар божхона бошқармаси бошлиғининг биринчи ўринбосари вазифасида хизмат қилиб келаётган Муратов Бахтиёр Шавкатович Андижон вилояти божхона бошқармаси бошлиғи этиб тайинланди.
Давлат божхона қўмитаси раиси ўринбосари вазифасида хизмат қилиб келаётган Салиев Муталибжон Обиджонович Наманган вилояти божхона бошқармаси бошлиғи этиб тайинланди.
Аввалроқ президент фармойишига асосан Давлат божхона қўмитаси раисига ўринбосарлар тайинлангани хабар қилинганди.
Изоҳ (0)