Бухоро шаҳри ва Қорақалпоғистоннинг Тўрткўл туманида ерни ноқонуний сотмоқчи бўлган шахслар ушланди, дея хабар бермоқда Бош прокуратура ҳузуридаги Иқтисодий жиноятларга қарши курашиш департаменти.
Департаментнинг Тўрткўл тумани бўлими томонидан ДХХ ва ИИВ билан ўтказилган тезкор тадбирда, фуқаро Ш.А. бошқа бир фуқаро Ф.нинг ишончига кириб, туман ҳудудидан 10 сотих ер майдонини ажратиб берилишини ижобий ҳал қилиб беришни 10 000 АҚШ долларига келишиб, шундан 9 500 АҚШ долларини олган вақтида ашёвий далиллар билан ушланган.
Худди шундай, департаментнинг Бухоро вилояти бошқармаси томонидан ўтказилган тезкор тадбирда, Давлат кадастрлари палатасининг Бухоро вилоят бошқармаси собиқ мутахассиси С.К. фуқаро Н.нинг ишончига кириб, ўз хизмат фаолияти давомида Бухоро шаҳар ҳокимлиги захирасидан 1 сотих ер майдонини расмийлаштириб бериш эвазига 2 000 АҚШ долларини қўлга киритгани аниқланиб, тадбир жараёнида 100 АҚШ долларини қайтарган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.
Мавзуга доир:
- Ўзбекистоннинг учта ҳудудида ноқонуний ер олиб бериш учун жами 10 минг доллар ва 120 млн сўм олган шахслар ушланди
- Самарқандда интернет бизнесни ўргатиш ҳамда саёҳатлар ташкил этиш учун фуқаролардан қарийб 30 минг доллар ва 350 млн сўм олган шахслар ушланди
- Самарқандда ижара олинган ерни 9 кишига салкам 50 минг долларга сотган шахс аниқланди
Изоҳ (0)