Ўзбекистон миллий терма жамоаси бош мураббийи Сречко Катанец Navruz Cup—2022 доирасида Қирғизистонга қарши ўтказилган учрашувдан (3:1) кейин ўз фикрлари билан ўртоқлашди.
Ўйин ҳақидаЎзбекистон терма жамоаси Navruz Cup—2022 финалида 29 март куни Угандага қарши баҳс олиб боради. 3-ўрин учун ўйинда эса Тожикистон ва Қирғизистон ўзаро тўқнаш келади.Қисқа гапираман. Таассуротларим яхши, футболчиларни ғалаба билан табриклайман. Жамоа яхши ва жуда шиддатли ўйин кўрсатди. Биз кўплаб вазиятлар яратдик, ҳисобда ортда қолаётганимизда ҳам яхши ўйнадик. Афсуски, биринчи бўлимда имкониятлардан фойдалана олмадик. Лекин ўйиндан қониқдим. Иккинчи таймда фаолликни оширдик ва ғалабага эришдик. Асосийси, ғалаба.
Рақибнинг тезкор голи режаларга қандай таъсир қилгани ҳақида
Албатта, ўйин бошида гол ўтказиб юборилса, барчада шок ҳолати бўлади. Аммо футболда шундай бўлиб туради. Терма жамоа ўйини олдидан кўп нарса кутмаслик керак, доим рақибга ҳурмат билан ёндашиш лозим, бунга Италия қайси жамоага ютқазгани ҳам мисол бўла олади (Италия ЖЧ—2022 саралаши доирасида Шимолий Македонияга енгилди — «Дарё»). Бундай ҳолатлар футболда бўлиб туради. Футбол ҳозир 10 йил олдингидек эмас, кичик жамоаларга қарши 8:0, 7:0 ҳисоблари қайд этилмайди. Чунки футбол жудаям тез ривожланяпти. ФИФА рейтингида 200-ўриндаги жамоага қарши ўйнасак ҳам жиддий ёндашишимиз лозим.
«Марказий» стадиони чимининг ҳолати ҳақида
Майдон ташқаридан қараса, яшил кўринмоқда, аммо иккинчи баҳсда қандай бўлиши керак бўлса, ундан ёмонроқ ҳолатда. Майдонни баҳона қилмаймиз. Тўпни назорат қилдик, яхши ҳаракатландик. Аммо майдон туфайли хатолар ҳам бўлди, бу очиқ-ойдин кўринди.
Марказий ярим ҳимоячиларнинг ўйини ҳақида
Отабек Шукуров ва Одил Ҳамробеков ўртасида баланс топиш керак. Агар тўрт ҳимоячи олдидаги икки таянч ярим ҳимоячисини олдинда ўйнацак, ўзимизни «ўлдириб» қўямиз. Бизда барча статистик маълумотлар бор. Гол таянч ярим ҳимоячиларнинг хатоси туфайли бўлмади. Хатоларимизни биламан, уларни шу позициядаги энг яхши ўйинчилар деб ҳисоблайман.
Ўйиндан олдин ўртоқлик баҳсларида натижа муҳим эмас дегани ва нима учун 3-голдан кейин бешинчи ҳимоячини туширгани ҳақида
Кеча биринчи навбатда доим натижа учун ўйнаймиз деб айтдим. Нима учун бунчалик катта босим бўлаётганини тушунмаяпман, бу ўртоқлик ўйини-ку, ўйинчиларни синаб кўришимиз керак. Ютқазиб қўйишимиз ҳам мумкин. Лекин бир гап айтаман, терма жамоа доим 90 дақиқа давомида қўллаб-қувватланиши керак, чунки футболчилар буни ҳис қилиши зарур. Баъзи ҳайқириқлардан кейин майдонда «Навбаҳор» ўйнаяптими ёки терма жамоа деб ўйланиб қолдим. Илтимос, ким терма жамоа ўйинларига келса, терма жамоани қўллаб-қувватласин.
Сречко Катанец, Ўзбекистон терма жамоаси бош мураббийи
Изоҳ (0)