Фарғона вилояти Сўх туманида 17 март куни Ички ишлар бошқармаси ходимига тан жароҳати етказган шахсга жиноят иши қўзғатилди, деб хабар бермоқда вилоят ИИБ.
Қайд этилишича, шу куни туман ИИБ профилактика инспекторлари М.Ғ ва Т.И. ЙПХ инспектори Г.М. билан бирга «Ровон» маҳалласи ҳудудида хизмат олиб борган. Шу вақтда ҳайдовчи Н.С. бошқарувидаги Nexia-3 автомашинаси тўхтатилган. Ҳайдовчи маст ҳолда профилактика инспекторлари Т.И. ва М.Ғ.ни ҳақорат қилиб, улардан бирига тан жароҳати етказган.
Ҳолат юзасидан Жиноят кодексининг 277-моддаси 3-қисми «г» банди (жамоат тартибини сақлаш вазифасини бажариб турган ҳокимият вакили ёки жамоатчилик вакилига ёхуд безорилик ҳаракатларининг олдини олиш чорасини кўрган бошқа фуқароларга қаршилик кўрсатиб содир этилган безорилик) билан жиноят иши қўзғатилган. Суд томонидан «қамоққа олиш» тарзидаги эҳтиёт чораси қўлланган.
Изоҳ (0)