Уйда ёки офисда қандай хона ўсимликлари бўлиши керак ва уларнинг афзалликлари нимада?
Дам олишга ёрдам беради
Африка бинафшасининг сиёҳранг барглари адреналин чиқарилишини рағбатлантиради. Натижада энергия даражаси ошади ва мияга кислород оқими кучаяди. Танадаги бу жараёнлар одамга дам олишга ёрдам беради.
Табиий намлагич
Агар квартирангизга бир нечта Бостон қирққулоқларини жойлаштирсангиз, унда ҳаво намлигини тартибга солувчи қиммат қурилмага пул сарфлашингиз шарт эмас. Бу ўсимлик намликни транспирация жараён орқали чиқаради, бунда сув барглар юзасида буғланади.
Доривор хусусиятлари
Миллий Соғлиқни сақлаш институти маълумотларига кўра, алоэ қадимги Мисрда «умрбоқий ўсимлик» сифатида танилган ва яраларни даволашда ишлатилган. Ҳозирги кунда ҳам куйиш жароҳатида ушбу хона ўсимлигининг сувидан фойдаланилади.
Аллергия хавфини камайтиради
Ўргимчаксимон ўсимлик аллергия ривожланишини камайтиришга ёрдам беради ва чанг туфайли пайдо бўладиган тумовдан халос қилади. Унинг барглари аллергенларни ўзлаштиришга қодир ва икки кун ичида хонани 90 фоиз токсинлардан тозалайди.
Ҳавони тозалайди
NASA олимларининг тадқиқотига кўра, инглиз печаги энг яхши ҳаво тозалаш воситаси эканлиги маълум бўлди, чунки у формалдегидни мукаммал даражада ўзлаштиради. Агар бундай ўсимлик уйда бўлса, унда нафас олаётган ҳаво тоза эканлигига ишонч ҳосил қилиш мумкин.
Диққатни яхшилайди
Тадқиқотлар шуни кўрсатдики, ўқувчилар хонада ўсимликлар мавжуд бўлганда 70 фоиз кўпроқ эътиборли бўлишади. Қуёш нурлари кам бўлган офис хоналарида бемалол ўсадиган жуда кўп ўсимлик навлари мавжуд. Аммо бамбук иш жойига керакли энергия бериши мумкин бўлган ўсимлик сифатида ажралиб туради.
Стресс даражасини пасайтиради
Journal of Environmental Psychology журналига кўра, гуллайдиган хона ўсимликлари (масалан, антуриум) стресс даражасини камайтиришга ёрдам беради.
Кўз чарчоқларини камайтиради
Чирмашиб ўсадиган ўсимлик потос кўздаги чарчоқни бартараф этишга қодир. Мутахассислар фикрича, компьютерда бир неча соат ишлагандан сўнг, бу ўсимликка қарашнинг ўзи кифоя ва кўз зўриқишлари сезиларли даражада камаяди. Потос, шунингдек, глаукома ва катаракта ривожланишининг олдини ҳам олади.
Изоҳ (0)