«Реал» 2022 йилнинг ёзида «ПСЖ» ҳужумчиси Килиан Мбаппени эркин агент мақомида қўлга киритишга яқин.
Marca нашрининг хабар қилишича, гарчи Мбаппе эркин агент сифатида келаётган бўлса ҳам, мадридликлар клубига бу келишув 80 миллион еврога тушади. Бунинг ичида шартнома имзолаганлик учун бонус пули ҳам бор.
Ҳужумчининг парижликлар билан амалдаги шартномаси шу ёзда ўз якунига етади. Килиан Париж клубининг янги битим борасидаги бир нечта таклифига рад жавобини берган.
23 ёшли футболчи жорий мавсум «ПСЖ» сафида 36 та ўйин ўтказиб, 26 та гол ва 14 та голли узатма муаллифига айланди.
Мбаппе 2017 йилда «Монако»дан «ПСЖ»га ижара асосида ўтган эди. 2018 йилда парижликлар 145 миллион еврога футболчини тўлиқ сотиб олган.
Изоҳ (0)