Бугун,

  • USD 11095.31
  • RUB 173.84
  • EUR 10772.44

Шавкат Мирзиёев 16 март куни Давлат солиқ қўмитасига ташриф буюриб, солиқ маъмурчилигини ислоҳ қилиш ва соҳага ахборот технологияларини кенг жорий этиш масалалари юзасидан йиғилиш ўтказганди. Унда президент солиқчиларни ИТ соҳада билим орттириши муҳим эканини таъкидлаб ўтди. Бу ҳақда «Ўзбекистон 24» телеканалида эфирга узатилган «Менимча» кўрсатувида маълум қилинди.

 

«Янги ИТ дастурларни ишлатиш бўйича ҳар йили энг камида 200 нафар солиқчиларни ўқитишни йўлга қўйишимиз керак. Бу республика бўйича, шунинг учун фақат Тошкентда эмас, ҳар бир вилоятда ташкил этиш бўйича таклиф беринглар.

Замонга муносиб бўладиган, иқтисодчи эмас ИТ технологияни билган одамлар ишлайди. Барибир шунга келамиз. Лекин биз бунга тайёргарлик қилишимиз керак. Хафа бўлманглар, тадбиркорлар сизлардан 10 карра илгарилаб кетяпти. Сизлар анча орқада қолиб кетяпсизлар. Мен буни айтмасам ким сизларга айтади», – дейди давлат раҳбари.

Бугунги даврда ҳар бир киши ислоҳотлар, ўзгаришлар томошабини эмас, балки бевосита жараён иштирокчисига айланиши керак. Шавкат Мирзиёев солиқ ходимларидан тизимни такомиллаштириш бўйича ташаббуслар ва янгиликлар кутишини таъкидлади.

«Ҳозирча бизда ҳеч кимда таҳлил йўқ. Ҳамма нарсани бир хил бажарамиз. Менга ундай бажариш керак эмас. Манга адолатли бажариш керак, инсофли бажариш керак. Мен энди-энди шу беш йилда тадбиркорларни оёққа қўйяпман, уларни синдиришга ҳеч кимга ҳеч қачон рухсат бермайман», – дейди президент.

Изоҳ
Asosiy yangiliklar
Маҳаллий
Ўзбекистонда бензин нархларини сунъий оширган АЁҚШларга тегишли чора кўрилиши маълум қилинди
Дунё
Арманистонда 25 минг инсон умрига зомин бўлган зилзила, Япониянинг Перл-Ҳарборга ҳужуми ва Жанубий Корея қамоқхонасида 40 йил ўтирган КХДР фуқароси. Кун хронология...
Спорт
ЖЧ—2022 да барча чорак финал жуфтликлари маълум бўлди