Бугун,

  • USD 11095.31
  • RUB 173.84
  • EUR 10772.44

АҚШ Украина ҳудудида содир бўлаётган можарода иштирок этиш ёки ушбу мамлакат узра парвозлар тақиқланувчи зона режимини жорий этиш ниятида эмас. Бу ҳақда Пентагон раҳбари Ллойд Остин CNN телеканалига берган интервьюсида маълум қилди.

Фото: Global Look Press

Фото: Global Look Press

«АҚШ президенти Жо Байден қўшинларимиз Украинада Россияга қарши жанговар ҳаракатларда иштирок этмаслигини аниқ айтиб ўтди», — дейди мудофаа идораси раҳбари.

Остин Украина узра парвозларни тақиқловчи ҳудуд ташкил этилса, АҚШ унинг осмонини назорат қилишга ва Россия самолётларини уришга мажбур бўлишини эслатган.

«Бу биз Россия билан урушаётганимизни англатади. Ядровий қуролларга эга икки мамлакат ўртасидаги можарони ҳеч ким кўришни истамайди. Бу минтақа учун ёмон. Бу бутун дунё учун ёмон», — дея таъкидлайди Пентагон раҳбари.

Унинг қўшимча қилишича, АҚШ Украинага ёрдам кўрсатишга эътибор қаратади ва «НАТО ҳудудининг ҳар бир дюймнини ҳимоя қилиш учун» барча имкониятларини ишга солади.

Украина узра парвозларни тақиқлаш зонасини яратишни мамлакат президенти Владимир Зеленский сўраган, бироқ Ғарб давлатлари раҳбарлари ушбу ташаббусни рад этган, чунки у жаҳон урушини келтириб чиқариши мумкин. Кейинроқ Зеленский бунинг ўрнига Украинага C-300 ҳаво ҳужумидан мудофаа тизимларини беришни сўраб чиққан.

Аввалроқ АҚШ президенти Жо Байден Украинага 13,6 миллиард доллар ажратиш ҳақидаги қонунни имзолаган, Польша бош вазир ўринбосари Украинага НАТОнинг тинчликпарвар кучларини юборишни таклиф қилган эди.

Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live

Изоҳ
Asosiy yangiliklar
Дунё
«Дарё» кундалигида 9 декабрда содир бўлган энг муҳим воқеалар
Дунё
Қозоғистон Россияга зирҳли техника жўнатиши ҳақида хабарлар тарқалди (видео)
Маданият
Шаҳзода Гарри ва Меган Маркл янги ҳужжатли фильмда Елизаветта II ни масхаралаб, қироллик оиласи аъзоларини ирқчиликда айблади (видео)