Bugun,

  • USD 11095.31
  • RUB 173.84
  • EUR 10772.44

AQSh prezidenti Jo Bayden Ukrainani qurol-yaroq, moliyaviy resurslar va oziq-ovqat bilan ta’minlashga va’da berdi. Bu haqda u Twitter’dagi sahifasiga yozib qoldirgan.

Foto: Getty Images

Foto: Getty Images

“Biz Ukrainani Rossiya bosqinidan himoyalanish uchun qurolga ega bo‘lishini ta’minlaymiz. Ukrainaliklar hayotini saqlab qolish uchun pul, yegulik va qo‘llab-quvvatlovni taqdim etamiz”, — deydi Bayden.

“Biz ukrainalik qochqinlarni quchoq ochib kutib olamiz”, — deya qo‘shimcha qiladi AQSh prezidenti.

Bayden AQSh ittifoqchilari bilan Ukrainaga xavfsizlik sohasida yordam ko‘rsatishni davom etayotganini ma’lum qilgan. “Biz ukrain xalqiga o‘z millatini himoya qilishida yordam ko‘rsatish uchun ittifoqchi va hamkorlarimiz bilan hamkorlikni davom ettiryapmiz. AQSh so‘nggi yilda Ukrainaga xavfsizlik sohasida 1,2 milliard dollardan ortiq mablag‘ ajratdi”, — deb yozadi Bayden.

Avvalroq AQSh prezidentining milliy xavfsizlik bo‘yicha maslahatchisi Jeyk Sallivan Vashington Moskvaning ogohlantirishiga qaramay, Ukrainaga qurol yetkazib berishni to‘xtatmasligini ma’lum qilgandi.

Fevral oxirlarida AQSh prezidenti administratsiyasi Kongressdan Ukraina inqirozini tartibga solish bilan bog‘liq harakatlar uchun 6,4 milliard dollar ajratishni so‘ragan edi. 2022-yilda AQSh Ukrainaga xavfsizlik sohasida yordam sifatida 650 million dollar va gumanitar yordam maqsadida 52 million dollar ajratgan. Mamlakat 2014-yildan buyon AQShdan umumiy qiymati 2,7 milliard dollarga teng yordam olgan.

Bundan oldin Yevrokomissiya Ukrainaga 1,2 milliard yevro ajratishni ma’qullagan, shuningdek yanvar boshida AQSh administratsiyasi Ukrainaga qo‘shimcha 200 million dollarlik harbiy yordam ko‘rsatishni 2021-yil dekabrida ma’qullagani, 2022-yil 1-fevralda esa AQShdan yana 84 tonna harbiy yordam Ukrainaga yetkazib berilgani xabar qilingan. Pentagon ma’lumotlariga ko‘ra, hozirda Ukrainaga 15 ta davlatdan qurollar yetkazib berilmoqda.

Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live

Izoh
Asosiy yangiliklar
Mahalliy
Toshkentda Turkiyadagi zilziladan jabr ko‘rganlar uchun yordam qabul qilinmoqda
Shou-biznes
Qashshoq oilada tug‘ilgan bo‘lsa ham, hayotda o‘z o‘rniga ega bo‘lishni uddalagan Gollivud yulduzlari (foto)
Dunyo
“Stalindan keyingi ikkinchi odam” — Malenkovning hokimiyatdan chetlatilishi, boshi tanasidan judo etilgan Shotlandiya qirolichasi va Kanadada to‘qnashgan ikki poye...