Умр йўлдошидан айрилган ва яна бахтини топа олган Голливуд юлдузлари (фото)

Машҳурлар севган одамларидан айрилишганда, бу фожиани қандай енгиб ўтишди. Иккинчи бор турмуш қуриш нияти ҳам бўлганми?

Пирс Броснан

Пирс Броснан кўпчиликнинг фикрича, ҳали ҳам ягона ва бетакрор Жеймс Бонд ва албатта, Голливуддаги энг келишган актёрлардан бири. Шунга қарамай, уни тўла ишонч билан оилапарвар одам деб аташ мумкин, чунки унинг ҳаётидаги иккала никоҳ ҳам севги сабаб тузилган. Биринчи рафиқаси австралиялик актриса Кассандра Харрис Пирс Броснан билан фожиали воқеа содир бўлгунга қадар 11 йил бирга яшади — аёл тухумдон саратони туфайли вафот этди.

Актёр бу фожиани жуда қийинчилик билан бошдан кечирди. Ўн йил ўтгачгина, Esquire журналига берган интервьюсида бошидан ўтганлари ҳақида илк бор гапирди. Актёр 1994 йилда энди севгисини топишга умид қилмай қўйганида тўсатдан журналист Кили Шей Смит билан танишиб қолди. Ҳозирда улар 20 йилдан бери бирга ва тўрт фарзандни тарбиялашмоқда.

Мерил Стрип

Мерил Стрип илк муҳаббатини учратганида 27 ёшда, Жон Казал эса 40 ёшда эди. Актёр бунгача «Чўқинтирган ота» фильмида Фредо Корлеоне ролини ўйнаган, ёш актриса эса эндигина кино оламига кириб келганди. Жон Казал оилали бўлишига қарамай, у ва Мерил Стрип ўртасида пайдо бўлган ҳис-туйғуларни жиловлаб бўлмади.

Тез кўтарилиш, чексиз бахт, умумий машғулотлар, давомли сайрлар, суҳбатлар ва репетициялар — бу муносабатларда бахтнинг чеки йўқдек эди. Жон ажрашиш учун ариза бериб, Мерилга расман уйланмоқчи эди, аммо шифокорлар унга саратон ташхисини қўйишганда ҳаммаси ўзгарди. Жон омон қолиш учун ҳамма нарсани қилди, севги унга куч бағишлади, афсуски, бу етарли бўлмади. Мерил «Холокост» фильмини суратга олиш ишлари билан учиб кетди. Қайтиб келганида эса касалликни енгиб бўлмаслигини тушунди. Ўлим унинг ҳаётидан севимли одамини олиб кетди: Жоннинг рафиқаси актрисани кўчага улоқтирди, нарсаларини акасининг ўртоғи Дон Гаммернинг уйида қолдирди. Шундай қилиб, Мерил ўзининг бўлажак турмуш ўртоғи билан танишди ва ўша йили унга турмушга чиқди. Жуфтлик 30 йилдан буён у билан бахтли яшаб келмоқда.

Жон Траволта

1976 йилда Голливудни эндигина забт эта бошлаган актёр Даяна Хайленд билан танишди. Актриса ундан 16 ёш катта эди, аммо бу илиқ ҳис-туйғуларнинг пайдо бўлишига тўсқинлик қилмади. Бахтли онларга бирданига нуқта қўйилди: Даянага даволаб бўлмайдиган кўкрак саратони ташхиси қўйилди ва у Жоннинг қўлида вафот этди. Умрининг сўнгги кунларида севганининг ёнида бўлиш учун актёр фильмларда суратга тушишдан бош тортди, кейин эса бу фожиани унутиш учун спиртли ичимликларга муккасидан кетди.

1987 йилда суратга олиш майдончасида актёр ёшлигиданоқ кумири Жон Траволтага турмушга чиқишни орзу қилган Келли Престон билан танишади. Унинг жозибаси ва феъл-атворининг мулойимлиги бошқа қизларга ҳеч қандай имконият қолдирмади ва 4 йилдан кейин Жон унга турмуш қуришни таклиф қилди. Келли ва Жон уч фарзанднинг ота-онаси бўлишди, аммо яна бир мудҳиш фожиа пайт пойлаб турарди: уларнинг ўғли тутқаноқдан вафот этди, кейин эса эрига доимо елкадош бўлган Келлининг ўзи кўкрак саратони туфайли дунёдан кўз юмди.

Киану Ривз

Киану Ривз ҳар доим ўзининг сирлилиги билан машҳур бўлган ва ҳеч қачон шахсий ҳаётини намойиш этиш тарафдори бўлмаган. Бунинг ўзига яраша сабаблари бор. 1999 йилда актёр ва севгилиси Женнифер Сайм фарзанд кутаётгани ҳақидаги хабар яшин тезлигида тарқалди. У актриса билан жуда нозик муносабатларга эга эди, бу хабардан мухлисларнинг қувончи чегара билмасди. Аммо бола ўлик туғилди ва атиги 2 йил ўтгач, Женнифер Сайм автоҳалокатда вафот этди. Бу икки фожиа Киану Ривзнинг ҳаётига жуда қаттиқ таъсир қилди, қариндошларининг сўзларига кўра, ўша вақтларда у ўзини тута олмай қолган. Шунга қарамай актёр ян бир бор севиш бахтига муяссар бўлди: 2017 йилда рассом Александра Грант билан танишди, 2 йилдан сўнг эса уларнинг мустаҳкам дўстлиги муҳаббатга айланди. Ошиқ жуфтлик қизил гиламларда ва ижтимоий тадбирларда бирга пайдо бўла бошлади.

Жо Байден

Бугун Жилл Байден Қўшма Штатларнинг биринчи хоними, у Жо Байденга 30 йил олдин — 1977 йилда турмушга чиққан. Ҳозирда америкалик сиёсатчининг Жиллдан олдин бошқа хотини — Неилия Байден, тўғрироғи Неилия Хантер бўлганини кам одам эслайди. Байден биринчи рафиқаси билан университетда танишган. Қуёш нурлари остидаги гўзалликни кўрган йигит дарров севиб қолади. Алоқалар жуда тез ривожланди, Жо Байден Неилиянинг оиласи томонидан илиқ кутиб олинади ва 1966 йилда ёшлар турмуш қуришди. Янги турмуш қурган оилада уч нафар фарзанд дунёга келди, Жо Байден сиёсий фаолият билан шуғулланар, Неилия эса мактабда дарс берарди.

Улар бахт ва севгидан масрур эдилар, аммо Рождестводан бир ҳафта олдин даҳшатли воқеа содир бўлди: Неилия фарзандлари билан Рождество арчасини танлашга кетишаётганда автоҳалокатга учрайди. Неилия ва қизи воқеа жойида вафот этади. Ушбу фожиадан қутулиш осон бўлмайди, аммо бир мунча вақт ўтгач, Жо Байден турмуш қуриш таклифини билдирган қиз билан учрашади — сиёсатчи ҳаётида Жилл билан танишуви шундай бошланади.