Umr yo‘ldoshidan ayrilgan va yana baxtini topa olgan Gollivud yulduzlari (foto)

Mashhurlar sevgan odamlaridan ayrilishganda, bu fojiani qanday yengib o‘tishdi. Ikkinchi bor turmush qurish niyati ham bo‘lganmi?

Pirs Brosnan

Pirs Brosnan ko‘pchilikning fikricha, hali ham yagona va betakror Jeyms Bond va albatta, Gollivuddagi eng kelishgan aktyorlardan biri. Shunga qaramay, uni to‘la ishonch bilan oilaparvar odam deb atash mumkin, chunki uning hayotidagi ikkala nikoh ham sevgi sabab tuzilgan. Birinchi rafiqasi avstraliyalik aktrisa Kassandra Xarris Pirs Brosnan bilan fojiali voqea sodir bo‘lgunga qadar 11 yil birga yashadi — ayol tuxumdon saratoni tufayli vafot etdi.

Aktyor bu fojiani juda qiyinchilik bilan boshdan kechirdi. O‘n yil o‘tgachgina, Esquire jurnaliga bergan intervyusida boshidan o‘tganlari haqida ilk bor gapirdi. Aktyor 1994-yilda endi sevgisini topishga umid qilmay qo‘yganida to‘satdan jurnalist Kili Shey Smit bilan tanishib qoldi. Hozirda ular 20 yildan beri birga va to‘rt farzandni tarbiyalashmoqda.

Meril Strip

Meril Strip ilk muhabbatini uchratganida 27 yoshda, Jon Kazal esa 40 yoshda edi. Aktyor bungacha “Cho‘qintirgan ota” filmida Fredo Korleone rolini o‘ynagan, yosh aktrisa esa endigina kino olamiga kirib kelgandi. Jon Kazal oilali bo‘lishiga qaramay, u va Meril Strip o‘rtasida paydo bo‘lgan his-tuyg‘ularni jilovlab bo‘lmadi.

Tez ko‘tarilish, cheksiz baxt, umumiy mashg‘ulotlar, davomli sayrlar, suhbatlar va repetitsiyalar — bu munosabatlarda baxtning cheki yo‘qdek edi. Jon ajrashish uchun ariza berib, Merilga rasman uylanmoqchi edi, ammo shifokorlar unga saraton tashxisini qo‘yishganda hammasi o‘zgardi. Jon omon qolish uchun hamma narsani qildi, sevgi unga kuch bag‘ishladi, afsuski, bu yetarli bo‘lmadi. Meril “Xolokost” filmini suratga olish ishlari bilan uchib ketdi. Qaytib kelganida esa kasallikni yengib bo‘lmasligini tushundi. O‘lim uning hayotidan sevimli odamini olib ketdi: Jonning rafiqasi aktrisani ko‘chaga uloqtirdi, narsalarini akasining o‘rtog‘i Don Gammerning uyida qoldirdi. Shunday qilib, Meril o‘zining bo‘lajak turmush o‘rtog‘i bilan tanishdi va o‘sha yili unga turmushga chiqdi. Juftlik 30 yildan buyon u bilan baxtli yashab kelmoqda.

Jon Travolta

1976-yilda Gollivudni endigina zabt eta boshlagan aktyor Dayana Xaylend bilan tanishdi. Aktrisa undan 16 yosh katta edi, ammo bu iliq his-tuyg‘ularning paydo bo‘lishiga to‘sqinlik qilmadi. Baxtli onlarga birdaniga nuqta qo‘yildi: Dayanaga davolab bo‘lmaydigan ko‘krak saratoni tashxisi qo‘yildi va u Jonning qo‘lida vafot etdi. Umrining so‘nggi kunlarida sevganining yonida bo‘lish uchun aktyor filmlarda suratga tushishdan bosh tortdi, keyin esa bu fojiani unutish uchun spirtli ichimliklarga mukkasidan ketdi.

1987-yilda suratga olish maydonchasida aktyor yoshligidanoq kumiri Jon Travoltaga turmushga chiqishni orzu qilgan Kelli Preston bilan tanishadi. Uning jozibasi va fe’l-atvorining muloyimligi boshqa qizlarga hech qanday imkoniyat qoldirmadi va 4 yildan keyin Jon unga turmush qurishni taklif qildi. Kelli va Jon uch farzandning ota-onasi bo‘lishdi, ammo yana bir mudhish fojia payt poylab turardi: ularning o‘g‘li tutqanoqdan vafot etdi, keyin esa eriga doimo yelkadosh bo‘lgan Kellining o‘zi ko‘krak saratoni tufayli dunyodan ko‘z yumdi.

Kianu Rivz

Kianu Rivz har doim o‘zining sirliligi bilan mashhur bo‘lgan va hech qachon shaxsiy hayotini namoyish etish tarafdori bo‘lmagan. Buning o‘ziga yarasha sabablari bor. 1999-yilda aktyor va sevgilisi Jennifer Saym farzand kutayotgani haqidagi xabar yashin tezligida tarqaldi. U aktrisa bilan juda nozik munosabatlarga ega edi, bu xabardan muxlislarning quvonchi chegara bilmasdi. Ammo bola o‘lik tug‘ildi va atigi 2 yil o‘tgach, Jennifer Saym avtohalokatda vafot etdi. Bu ikki fojia Kianu Rivzning hayotiga juda qattiq ta’sir qildi, qarindoshlarining so‘zlariga ko‘ra, o‘sha vaqtlarda u o‘zini tuta olmay qolgan. Shunga qaramay aktyor yan bir bor sevish baxtiga muyassar bo‘ldi: 2017-yilda rassom Aleksandra Grant bilan tanishdi, 2 yildan so‘ng esa ularning mustahkam do‘stligi muhabbatga aylandi. Oshiq juftlik qizil gilamlarda va ijtimoiy tadbirlarda birga paydo bo‘la boshladi.

Jo Bayden

Bugun Jill Bayden Qo‘shma Shtatlarning birinchi xonimi, u Jo Baydenga 30 yil oldin — 1977-yilda turmushga chiqqan. Hozirda amerikalik siyosatchining Jilldan oldin boshqa xotini — Neiliya Bayden, to‘g‘rirog‘i Neiliya Xanter bo‘lganini kam odam eslaydi. Bayden birinchi rafiqasi bilan universitetda tanishgan. Quyosh nurlari ostidagi go‘zallikni ko‘rgan yigit darrov sevib qoladi. Aloqalar juda tez rivojlandi, Jo Bayden Neiliyaning oilasi tomonidan iliq kutib olinadi va 1966-yilda yoshlar turmush qurishdi. Yangi turmush qurgan oilada uch nafar farzand dunyoga keldi, Jo Bayden siyosiy faoliyat bilan shug‘ullanar, Neiliya esa maktabda dars berardi.

Ular baxt va sevgidan masrur edilar, ammo Rojdestvodan bir hafta oldin dahshatli voqea sodir bo‘ldi: Neiliya farzandlari bilan Rojdestvo archasini tanlashga ketishayotganda avtohalokatga uchraydi. Neiliya va qizi voqea joyida vafot etadi. Ushbu fojiadan qutulish oson bo‘lmaydi, ammo bir muncha vaqt o‘tgach, Jo Bayden turmush qurish taklifini bildirgan qiz bilan uchrashadi — siyosatchi hayotida Jill bilan tanishuvi shunday boshlanadi.