АҚШ Давлат департаменти Россия мудофаа секторининг 11 нафар юқори мартабали вакилига қарши санкциялар эълон қилди, деб ёзмоқда Meduza.
Санкция рўйхатига тушганлар орасида Россия мудофаа вазирининг ўринбосарлари Алексей Криворучко, Тимур Иванов, Юнус-Бек Эвкуров, Дмитрий Булгаков, Юрий Садовенко, Николай Панков, Руслан Саликов, Геннадий Жидко, Россия Миллий гвардияси раҳбари Виктор Золотов, Ҳарбий-техник ҳамкорлик федерал хизмати раҳбари Дмитрий Шугаев ва «Рособоронекспорт» бош директори Александр Михев бор. Уларнинг АҚШдаги активлари блокланади.
Ўз навбатида, Япония ҳукумати 17 нафар россиялик, жумладан, Давлат Думасининг 11 нафар депутатига, шунингдек, Ренова компанияси эгаси Виктор Векселберг ва тадбиркор Юрий Ковалчукнинг оила аъзоларига нисбатан санкция киритди.
АҚШ, Европа Иттифоқи ва бошқа давлатлар Россиянинг Донецк ва Луганск мустақиллигини тан олиб, Украинага бостириб кирганидан сўнг унга қарши бир неча бор санкциялар жорий қилган. Чекловлар банк сектори, авиация, қатор юқори мартабали сиёсатчилар ва амалдорлар, ишбилармонлар, шунингдек, шахсан Россия президенти Владимир Путин ва унинг атрофидагиларга таллуқли бўлган.
Мавзуга доир:
- «Лондонга бориш орзуйимдан маҳрум қилишди». Рамзан Қодиров Британия санкциялари ҳақида
- Лондон Россияга қарши янги санкцияларни киритди. Улар Британия ҳаво маконида ҳар қандай Россия самолётини ушлаб туриш имконини беради
- «Эрон синдроми»: халқаро изоляция Россия иқтисодиётига қандай таъсир қилиши мумкин?
- АҚШ Конгресси Россиядан нефть импортини тақиқлаш масаласини кўриб чиқмоқда
Изоҳ (0)