AQSh Davlat departamenti Rossiya mudofaa sektorining 11 nafar yuqori martabali vakiliga qarshi sanksiyalar e’lon qildi, deb yozmoqda Meduza.
Sanksiya ro‘yxatiga tushganlar orasida Rossiya mudofaa vazirining o‘rinbosarlari Aleksey Krivoruchko, Timur Ivanov, Yunus-Bek Evkurov, Dmitriy Bulgakov, Yuriy Sadovenko, Nikolay Pankov, Ruslan Salikov, Gennadiy Jidko, Rossiya Milliy gvardiyasi rahbari Viktor Zolotov, Harbiy-texnik hamkorlik federal xizmati rahbari Dmitriy Shugayev va “Rosoboroneksport” bosh direktori Aleksandr Mixyev bor. Ularning AQShdagi aktivlari bloklanadi.
O‘z navbatida, Yaponiya hukumati 17 nafar rossiyalik, jumladan, Davlat Dumasining 11 nafar deputatiga, shuningdek, Renova kompaniyasi egasi Viktor Vekselberg va tadbirkor Yuriy Kovalchukning oila a’zolariga nisbatan sanksiya kiritdi.
AQSh, Yevropa Ittifoqi va boshqa davlatlar Rossiyaning Donetsk va Lugansk mustaqilligini tan olib, Ukrainaga bostirib kirganidan so‘ng unga qarshi bir necha bor sanksiyalar joriy qilgan. Cheklovlar bank sektori, aviatsiya, qator yuqori martabali siyosatchilar va amaldorlar, ishbilarmonlar, shuningdek, shaxsan Rossiya prezidenti Vladimir Putin va uning atrofidagilarga talluqli bo‘lgan.
Mavzuga doir:
- “Londonga borish orzuyimdan mahrum qilishdi”. Ramzan Qodirov Britaniya sanksiyalari haqida
- London Rossiyaga qarshi yangi sanksiyalarni kiritdi. Ular Britaniya havo makonida har qanday Rossiya samolyotini ushlab turish imkonini beradi
- “Eron sindromi”: xalqaro izolyatsiya Rossiya iqtisodiyotiga qanday ta’sir qilishi mumkin?
- AQSh Kongressi Rossiyadan neft importini taqiqlash masalasini ko‘rib chiqmoqda
Izoh (0)