Ўзбекистонга 2 млн дозага яқин Pfizer вакцинаси олиб келинди

Ўзбекистонга COVAX дастури доирасида 1 999 530 доза Pfizer/BioNTech вакцинаси келтирилди. Бу ҳақда ССВ хабар қилди.

Шундай қилиб, Ўзбекистонда фойдаланилаётган вакциналар миқдори 61 268 553 дозага етди.

Улардан:

• 2 404 480 дозаси AstraZeneca;
• 41 996 268 дозаси ZF-UZ-VAC2001;
• 1 341 790 дозаси «Спутник V»;
• 8 580 460 дозаси Moderna;
• 4 626 180 дозаси Pfizer/BioNTech;
• 1 976 000 дозаси Sinovac;
• 343 375 дозаси «Спутник Light» вакцинасидир.

Ҳозирда Ўзбекистонда коронавирус инфекциясига қарши 14 275 449 доза вакцина захираси мавжуд.

Эслатиб ўтамиз, 10 январь куни Ўзбекистонга Moderna вакцинасининг 500 400 дозаси, 2021 йилнинг июнида 3 миллиондан ортиқ дозаси, 2022 йилнинг февралида эса 2,8 миллиондан ортиқ дозаси олиб келинганди. Шунингдек, 2 март куни Ўзбекистонга COVAX дастури доирасида шприц ва уларни хавфсиз утилизация қилиш учун қутилардан иборат умумий қиймати 669 минг долларга тенг бўлган юк етиб келганди. 9 март куни эса 2,2 миллион дозадан ортиқ Moderna вакцинаси олиб келинди.