Ўзбекистон ва Қозоғистон ўртасида 16 мартдан икки томонлама мунтазам халқаро автобус йўналишларида қатновлар қайта тикланади. Бу ҳақда Транспорт вазирлиги хабар қилди.
Қайд этилишича, Қозоғистон орқали Россия Федерацияси ва Қирғизистонга транзит автобус ташувларини ташкил этиш юзасидан музокаралар олиб борилмоқда.
Эслатиб ўтамиз, Ўзбекистон ва Қозоғистон ўртасидаги халқаро автобус қатновлари коронавирус пандемияси сабабли 2020 йил 16 март куни тўхтатилган эди.
2022 йил 16 мартдан ташувчилар томонидан Тошкент—Нурсултон, Тошкент—Олмаота, Тошкент—Қизилўрда, Тошкент—Туркистон, Тошкент—Иргели, Чирчиқ—Чимкент, Чирчиқ—Олмаота йўналишларида қатновларни амалга ошириш режалаштирилган.
Аввалроқ Тошкент–Хўжанд–Тошкент йўналишида Ўзбекистон ва Тожикистон ўртасида мунтазам автобус қатнови қайта тиклангани, Ўзбекистон ва Қирғизистоннинг йирик шаҳарлари ўртасида халқаро автобус қатнови йўлга қўйилиши мумкинлиги хабар қилинганди.
Изоҳ (0)