Қамчиқ довонида кўчки хавфи эълон қилинганлиги туфайли, автомобиллар ҳаракати учун вақтинча ёпилган эди. Фавқулодда вазиятлар вазирлиги хабар қилишича, довонда ҳаракат қайта тикланган.
Фавқулодда вазиятлар вазирлиги тегишли хизматлар билан ҳамкорликда олиб борилган амалий ҳаракатларни мувофиқлаштириб борди.
Амалга оширилган зарурий тадбирлар натижасида бугун, 12 март куни соат 18:00 да Қамчиқ довони автомобиллар ҳаракати учун қайта очилди.
Қамчиқ довонидаги ҳолат
12 март куни эрталаб Қамчиқ довони қор кўчиши хавфи сабаб ёпилгани эълон қилинди. Кейинроқ Қамчиқ довонида икки туннел орасидаги автомобиль йўлининг ости ўпирилиб тушгани маълум бўлди. Қамчиқ довонидаги ҳолат юзасидан штаб тузилди. Ҳайдовчи ва йўловчилар яқин атрофдаги умумий овқатланиш шохобчаларига жойлаштирилди.Фавқулодда вазиятлар вазирлиги қўшимча маълумот бериб, Тошкент–Водий автомобиль йўлининг 6 та жойида тош-тупроқ массаси ўпирилиши содир бўлгани маълум қилди. Йўлда қолиб кетганларни манзилга етказиш учун махсус поездлар ташкил этилди.
Изоҳ (0)