Qamchiq dovonida ko‘chki xavfi e’lon qilinganligi tufayli, avtomobillar harakati uchun vaqtincha yopilgan edi. Favqulodda vaziyatlar vazirligi xabar qilishicha, dovonda harakat qayta tiklangan.
Favqulodda vaziyatlar vazirligi tegishli xizmatlar bilan hamkorlikda olib borilgan amaliy harakatlarni muvofiqlashtirib bordi.
Amalga oshirilgan zaruriy tadbirlar natijasida bugun, 12-mart kuni soat 18:00 da Qamchiq dovoni avtomobillar harakati uchun qayta ochildi.
Qamchiq dovonidagi holat
12-mart kuni ertalab Qamchiq dovoni qor ko‘chishi xavfi sabab yopilgani e’lon qilindi. Keyinroq Qamchiq dovonida ikki tunnel orasidagi avtomobil yo‘lining osti o‘pirilib tushgani ma’lum bo‘ldi. Qamchiq dovonidagi holat yuzasidan shtab tuzildi. Haydovchi va yo‘lovchilar yaqin atrofdagi umumiy ovqatlanish shoxobchalariga joylashtirildi.Favqulodda vaziyatlar vazirligi qo‘shimcha ma’lumot berib, Toshkent–Vodiy avtomobil yo‘lining 6 ta joyida tosh-tuproq massasi o‘pirilishi sodir bo‘lgani ma’lum qildi. Yo‘lda qolib ketganlarni manzilga yetkazish uchun maxsus poyezdlar tashkil etildi.
Izoh (0)