БМТнинг Халқаро денгиз ташкилоти (IМО) ҳозирда Қора ва Азов денгизларида бўлган савдо кемалари ва уларнинг экипажлари ушбу ҳудудларни тарк этиши мумкин бўлган хавфсиз денгиз коридорини яратиш устида иш олиб боради, деб хабар беради «Интерфакс».
IMO’нинг онлайн ўтказилган йиғилиши якунидаги баёнотда таъкидланишича, денгиз коридори «Қора ва Азов денгизларининг хавф юқори бўлган ҳамда зарар етган ҳудудларидан денгизчилар ва кемаларни хавфсиз жойга эвакуация қилиш имконини беради».
IМО бош котиби Китак Лим хавфсиз денгиз йўлагини ҳамкорликда ва тегишли томонлар, жумладан, қирғоқбўйи давлатлари ёрдамида амалга ошириш бўйича зудлик билан чора кўрилишини эълон қилган.
Эслатиб ўтамиз, 24 февралга ўтар кечаси Россия президенти Владимир Путин Украинани «демилитаризация» ва «денацификация» қилиш бўйича «махсус ҳарбий операция» бошланганини маълум қилди. 25 февраль куни эса Қора денгиздаги Украинанинг Одесса вилоятига қарашли кичик орол Змений Россия кучлари томонидан қўлга олинганди.
Изоҳ (0)