Bugun,

  • USD 11095.31
  • RUB 173.84
  • EUR 10772.44

Qora dengizdagi Ukrainaning Odessa viloyatiga qarashli kichik orol Zmyeniy Rossiya maxsus harbiy operatsiyasining birinchi kunida Rossiya kuchlari tomonidan qo‘lga olindi. Bu haqda Ukraina Davlat chegara xizmati xabar berdi.

Foto: president.gov.ua

Foto: president.gov.ua

Idora ma’lumotlariga ko‘ra, 24-fevral kuni ertalab Zmyeniy oroliga ikkita “notanish nishon” yaqinlashgan. Oroldagi Izmail chegara otryadining harbiy xizmatchilaridan taslim bo‘lish talab qilindi, deya xabar berdi chegara xizmati va tegishli audioyozuvni e’lon qildi.

Keyinroq chegara xizmatining xabar berishicha, chegarachilar “mudofaani jasorat bilan ushlab turgan”, ularga o‘q uzilgan.

Zmyeniy dengiz qurollari va bosqinchilarning jangovar samolyotlaridan o‘qqa tutilgandan so‘ng, oroldagi infratuzilma vayron bo‘ldi. Bundan tashqari, Ukraina Qurolli kuchlari harbiy xizmatchilari bilan birga orolda bo‘lgan chegarachilar bilan aloqa uzildi. Mavjud ma’lumotlarga ko‘ra, Zmyeniy oroli qo‘ldan berildi.

Ukraina Davlat chegara xizmati

Ukraina ichki ishlar vaziri maslahatchisi Anton Gerashenko Zmyeniy orolida raketa va artilleriya hujumi natijasida 13 nafar ukrainalik chegarachi halok bo‘lganini ma’lum qildi. Bundan oldin ularga taslim bo‘lish taklif qilindi, ammo ular rad etdi, dedi Gerashchenko va tegishli audioyozuvni joylashtirdi.

Yozuvda taxminan bir xil so‘zlar ikki marta takrorlanadi: “Men Rossiya harbiy kemasiman. Qon to‘kilmasligi va nohaq qurbonlar bo‘lmasligi uchun qurollarni tashlab, taslim bo‘lishni taklif qilaman. Aks holda, bombardimon qilinasiz va hujumga uchraysiz”.

Buning ortidan shunday javob eshitiladi: “Rossiya harbiy kemasi, yo‘qol!”. Rossiya tomoni ushbu audioyozuv haqda hech qanday izoh bermadi.

Ukraina prezidenti Vladimir Zelenskiy Zmyeniy orolini himoya qilgan barcha chegarachilar halok bo‘lganini aytdi.

Bizning Zmyeniy orolimizda uni oxirigacha himoya qilib, barcha chegarachilar qahramonlarcha halok bo‘ldi. Ammo ular taslim bo‘lishmadi. Ularning barchasi vafotidan keyin Ukraina Qahramoni unvoni bilan taqdirlanadi. Ukraina uchun jonini fido qilganlar abadiy xotirada qoladi.

Vladimir Zelenskiy

24-fevralga o‘tar kechasi Rossiya prezidenti Vladimir Putin Ukrainani “demilitarizatsiya” va “denasifikatsiya” qilish bo‘yicha “maxsus harbiy operatsiya” boshlanganini ma’lum qildi. Ukraina shaharlari raketa hujumlariga uchradi. Rossiya Mudofaa vazirligi ular tinch aholiga tahdid qilmasdan, Ukraina harbiy infratuzilmasini yo‘q qilayotganini bildirdi. Ammo Ukraina rasmiylari qurbonlar, jumladan tinch aholi orasida ham borligini ma’lum qildi. Harbiylar orasida, Zelenskiyning so‘zlariga ko‘ra, bir kunda 137 kishi halok bo‘lgan.

Rossiya—Ukraina urushiga oid tezkor, ishonchli yangiliklar va ma’lumotlarni Daryo’ning live sahifasi orqali kuzatib boring → @Daryo_Live

Izoh
Asosiy yangiliklar
Iqtisodiyot
O‘zbekistonda 2022-yilda o‘rtacha oylik ish haqi qancha bo‘lgani ma’lum qilindi
Sport
Muxlislar “Roma” futbolchisi haqida: “Qo‘rqoqlar va sotqinlar ketishi lozim”
Sport
Karlo Anchelotti: “Barselona”dan 5 ochko ortdamiz, biroq oldinda hali uzoq yo‘l bor