BMTning Xalqaro dengiz tashkiloti (IMO) hozirda Qora va Azov dengizlarida bo‘lgan savdo kemalari va ularning ekipajlari ushbu hududlarni tark etishi mumkin bo‘lgan xavfsiz dengiz koridorini yaratish ustida ish olib boradi, deb xabar beradi “Interfaks”.
IMO’ning onlayn o‘tkazilgan yig‘ilishi yakunidagi bayonotda ta’kidlanishicha, dengiz koridori “Qora va Azov dengizlarining xavf yuqori bo‘lgan hamda zarar yetgan hududlaridan dengizchilar va kemalarni xavfsiz joyga evakuatsiya qilish imkonini beradi”.
IMO bosh kotibi Kitak Lim xavfsiz dengiz yo‘lagini hamkorlikda va tegishli tomonlar, jumladan, qirg‘oqbo‘yi davlatlari yordamida amalga oshirish bo‘yicha zudlik bilan chora ko‘rilishini e’lon qilgan.
Eslatib o‘tamiz, 24-fevralga o‘tar kechasi Rossiya prezidenti Vladimir Putin Ukrainani “demilitarizatsiya” va “denatsifikatsiya” qilish bo‘yicha “maxsus harbiy operatsiya” boshlanganini ma’lum qildi. 25-fevral kuni esa Qora dengizdagi Ukrainaning Odessa viloyatiga qarashli kichik orol Zmyeniy Rossiya kuchlari tomonidan qo‘lga olingandi.
Izoh (0)