So‘nggi kunlarda sodir bo‘lgan YTHlar tafsilotini taqdim etamiz.
Qashqadaryoda Epica yo‘l chetida turgan Spark’ni borib urdi
2022-yil 8-mart kuni soat 23:30 larda Yakkabog‘ tuman Amir Temur ko‘chasida Spark va Epica transport vositalari ishtirokida YTH sodir bo‘lgan.
Aniqlanishicha, fuqaro F.M.ga tegishli bo‘lgan Epica avtotransport vositasi hozirda shaxsi noma’lum haydovchi tomonidan tezlikni oshirishi oqibatida yo‘lning qatnov qismi chetida turgan Q.U.ga tegishli bo‘lgan Spark avtotransport vositasiga to‘qnashib, boshqaruvni yo‘qotgan.
Hodisa sodir bo‘lgan joydan Epica haydovchisi ketib qolgan.
Hozirda ushbu holat yuzasidan Yakkabog‘ tuman IIB YHXB xodimlari tomonidan surishtiruv harakatlari olib borilmoqda.
Samarqandda Lacetti ariqqa tushib ketdi
2022-yilning 17-fevral kuni soat 15:30 larda 1994-yilda tug‘ilgan X.R. o‘zining boshqaruvida bo‘lgan Lacetti avtomashinasini Past Darg‘om tumanidan o‘tuvchi 4R-46 yo‘lining 16-kilometrida boshqarib kelayotgan vaqtida, old tomonida ketayotgan avtomashinani noto‘g‘ri quvib o‘tishi oqibatida rul boshqaruvini yo‘qotgan. Oqibatda yo‘lning o‘ng tomonidagi ariqqa tushib ketib, YTH sodir qilgan.
Avtomashinada haydovchining yakka o‘zi bo‘lgan. YTH natijasida haydovchi yengil jarohat olgan va unga tibbiy yordam ko‘rsatilgan.
Hodisa yuzasidan Past Darg‘om tuman IIB YHXB xodimlari tomonidan surishtiruv ishlari olib borilmoqda.
Samarqandda Nexia urib ketgan piyodani Cobalt bosib ketdi
2022-yil 6-mart kuni soat 23:55 da 1999-yilda tug‘ilgan A.Sh. o‘zining Nexia rusumli avtomashinasini Samarqand shahar Firdavsiy ko‘chasida boshqarib kelib, yo‘lni kesib o‘tayotgan piyodani urib yuborib, voqea joyidan ketib qolgan. Nexia ortidan harakatlanib kelayotgan Cobalt avtomashinasi haydovchisi piyodaning ustidan bosib ketgan.
Olib borilgan tadbirlar natijasida Nexia haydovchisi ushlangan.
YTH oqibatida piyoda tan jarohati olib RShTYIM Samarqand filialiga yotqizilgan.
Holat yuzasidan tergovga qadar tekshiruv harakatlari olib borilmoqda.
Izoh (0)