Ҳамкасблари орасида инжиқ феъл-атвори билан ажралиб турадиган жаҳон юлдузлари (фото)

Уларнинг исмлари бутун дунёда танилган, миллионлаб одамларни ҳайратда қолдиради. Аммо шунга қарамай, уларнинг ўзига хос салбий характери борган сари афсонага айланиб бормоқда.

Мерайя Кери

Хонанда ўз ҳамкасбларини осонгина қоралаши мумкин: у сўзларини қандай қабул қилиш ҳақида умуман ўйламасдан, том маънода ҳар қандай одам ҳақида салбий фикр билдиришга тайёр. Шу билан бирга, хонанда киноя билан Женнифер Лопеснинг кимлигини билмаслигини ҳам айтиб ўтган. Баъзида юлдуз саҳнада ўзини жуда мағрур тутади, ҳаттоки концертларнинг бирида у ўзини фонограммада куйлаётгандек кўрсатишга ҳам уринмаган.

Жулия Робертс

Актрисанинг оғир табиати кўпчиликка сир эмас. Жулия ҳам ўзига хос муносабати билан ажралиб туради: у атрофидаги ҳеч нарсани ёқтирмаслиги мумкин ва бундай пайтларда актрисанинг ёнида бўлмаслик яхшироқ. Режиссёр Стивен Спилберг унинг суратга олиш майдончасидаги ғайритабиий ҳаракатларига чидаб тура олмай, «Капитан Крюк»дан актрисанинг эпизодини деярли кесиб ташлаган.

Линдси Лохан

Аввалига актриса нафақат гиёҳвандликдан азият чекарди, балки жараённинг ҳар бир иштирокчиси учун суратга олиш майдончасида чидаб бўлмас ҳолатни келтириб чиқарар эди. Линдси ўзини ҳеч қандай мажбуриятга эга бўлмаган одамдек тутар, лекин бошқаларга нисбатан талабларга тўла актриса каби ҳаракат қиларди.

Меган Фокс

Ушбу қаҳрамон ғазабланганда бутунлай бошқа одамга айланади. Меган ўз ифодаларидан уялмайди ва оғир гапларни сўзлашдан олдин бироз ўйламайди ҳам. «Трансформерлар» фильми чиққандан сўнг актриса бирдан режиссёр Майкл Бейга қарши гапира бошлаган. Майкл эса охир-оқибат бундай хатти-ҳаракатларга тоқат қилолмади ва шунчаки Меган билан ишлашни тўхтатди.