Машҳур турк актёри Киванч Татлитуғ замонавий кино санъатининг энг ёрқин ва истеъдодли ижодкорларидан бири. Унинг ҳар бир роли жуда ёрқин ва эсда қоларли.
Айни кунларда актёрни қувончли воқеа кутмоқда: 2022 йил апрель ойида у биринчи марта ота бўлади, Киванчнинг рафиқаси Башак Дизер эгизак фарзанд кутмоқда.
Шунингдек, актёр Netflix учун суратга олинадиган лойиҳа бўйича шартнома имзолагани маълум бўлди, унда актёрнинг партнёри маҳоратли актриса Берен Саат бўлади.
Шуни таъкидлаш керакки, турклар учун бу янгилик ақл бовар қилмайдиган воқеа бўлди: чунки 14 йил аввал кўпчилик учун турк сериаллари тарихи Берен ва Киванч жуфтлиги билан бошланган эди.
Уларнинг «Тақиқланган севги» сериалидаги тандемидан сўнг бутун дунё турк сериалларига катта қизиқиш билдирди. Актёрлар иштирокидаги янги лойиҳа Америкадаги турк продюсерлик компанияси томонидан суратга олинади. Тасвирга олиш гуруҳининг хорижга жўнаб кетишининг аниқ санаси ҳозирча эълон қилинмаган, тахминларга кўра, 2022 йилнинг май–июнь ойлари охирларига тўғри келади.
Изоҳ (0)